News Flash

भाजपाच्या चाणक्यनीतीमुळेच रोहिणी खडसेंचा पराभव : छगन भुजबळ

राष्ट्रवादीचे नेते छगन भुजबळ यांनी हा आरोप केला आहे

विधानसभा निवडणुकीचे निकाल हे एकतर्फी न लागता धक्कादायक म्हणावेत असेच लागले आहेत. अनेक दिग्गजांचा यामध्ये पराभव झाला. त्यात एक महत्त्वाचं नाव होतं ते म्हणजे रोहिणी खडसे. रोहिणी खडसे या एकनाथ खडसेंच्या कन्या आहेत. त्या जळगावातील मुक्ताईनगर मतदारसंघातून त्यांनी निवडणूक लढवली. मात्र बंडखोरी केलेल्या चंद्रकांत पाटील यांनी रोहिणी खडसेंना हरवलं. या पराभवामागे भाजपाची चाणक्यनीती आहे असा आरोप राष्ट्रवादीचे नेते छगन भुजबळ यांनी केला आहे.

दरम्यान विधानसभा निवडणूक निकालात महायुतीला स्पष्ट बहुमत मिळालं आहे. मात्र अबकी बार २०० के पार हा दावा मात्र फोल ठरला आहे. भाजपाला १०५ जागा मिळाल्या आहेत तर शिवसेनेला ५६ जागा. २०१४ च्या तुलनेत शिवसेनेच्या जागा कमी झाल्या आहेत. मात्र बार्गेनिंग पॉवर वाढली आहे ती शिवसेनेची कारण शिवसेनेच्या टेकूशिवाय भाजपाचा मुख्यमंत्री होऊ शकत नाही.त्यामुळे शिवसेनेची भूमिका या सगळ्याबाबत महत्त्वाची ठरणार आहे.

दरम्यान शिवसेनेचा मुख्यमंत्री करायचा असेल तर राष्ट्रवादीला सोबत घ्या अशी ऑफर भुजबळ यांनी उद्धव ठाकरेंना दिली आहेच. आता पुढे काय काय घडामोडी घडणार ते येत्या काही दिवसात स्पष्ट होईलच. तूर्तास तरी छगन भुजबळ यांनी रोहिणी खडसेंचा पराभव करण्यामागे भाजपाची चाणक्यनीती आहे असा आरोप केला आहे. आता या आरोपाला भाजपा काही उत्तर देणार का हे पाहणे महत्त्वाचे ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 26, 2019 9:37 am

Web Title: rohini khadse defeat only because of bjp says chagan bhujbal scj 81
Next Stories
1 लोक मला शरद पवारांचा वारसदार म्हणतात याचा आनंद होतो, पण… : रोहित पवार
2 पालघर जिल्ह्यात पुन्हा भूकंपाचे धक्के
3 शिवसेनेने मुख्यमंत्री पदावर अडीच वर्षांसाठी दावा सांगण्यात काहीच गैर नाही: शरद पवार
Just Now!
X