कुत्र्याला वाचवताना मिनी ट्रक उलटला; दोन मजूर जागीच ठार, चौघे गंभीर जखमी

जखमी मजुरांना जिल्हा सामान्य रुग्णालयात हलवण्यात आले आहे. विजय जांभुळे (३१), घनश्याम गजभिये (४०), असे मरण पावलेल्यांची नावे आहेत, तर वासुदेव काशिनाथ चिकटे (३४), भारत कचरू जिवतोडे (३०), अनिल वामन खोब्रागडे (४१) आणि मंगेश झाडे (३१), असे गंभीर जखमी असलेल्या मजुरांची नावे आहेत. खापरी येथील वैभव कुत्तरमारे याच्या मिनी ट्रकने सुधीर पारोधे यांच्या विट भट्टीवरून वणी येथे विटा पोहोचवून भद्रावतीकडे परत येत असताना पेट्रोल पंपाजवळ कुत्रा आडवा आला. त्याला वाचवण्याच्या नादात चालकाने गाडीचा करकचून ब्रेक दाबला. त्यामुळे ट्रक अनियंत्रित होऊन उलटला. अधिक तपास भद्रावती पोलीस करीत आहे.