नवी मुंबई: कुत्रीवर लैंगिक अत्याचार करणारा विकृत अटकेत

सेक्टर चारमधल्या संजू दा धाबाच्या मालकाला हा व्हिडीओ त्यांनी दाखवला कारण हा त्याच जागेतला व्हिडीओ होता. मालकाने व्हिडीओ पाहिला तेव्हा व्हिडीओतला मुलगा मनमोहन असल्याचे त्यांनी ओळखले. त्याला समोर बोलावून दरडावून विचारले असता कुत्रीवर अत्याचार केल्याची कबुली त्याने दिली. यानंतर रंगारे आणि त्यांच्या मित्रांनी या मनमोहनला खारघर पोलिसांच्या ताब्यात दिले. हा प्रकार १४ ऑगस्ट रोजी घडला आहे. तर १७ तारखेला यासंदर्भातला गुन्हा दाखल करण्यात आला अशी माहिती खारघर पोलिसांनी दिली. खारघर पोलीस ठाण्याच्या हद्दीत अशा प्रकारचा पहिलाच गुन्हा दाखल झाल्याचे पोलिसांनी म्हटले आहे. गुरुवारी या आरोपीला न्यायालयासमोर हजर करण्यात आले. न्यायालयाने त्याला पाच दिवसांची कोठडी सुनावली आहे.