दुबईतील साईभक्ताकडून २४ लाखांचे सुवर्णाक्षर अर्पण

साईचरणी श्रद्धा व्यक्त करण्यासाठी भाविक सदैव भरभरून दान देतात. आज दुबईस्थित एका हॉटेल व्यावसायिकाने २४ लाखांचे सुवर्ण ‘ॐ साई’ साईबाबांच्या चरणी अर्पण केले.

साईबाबा नेहमीच द्वारकामाई बसत असल्याने ॐ साई ही सुवर्ण अक्षरे द्वारकामाई येथे बसविण्यात आली. यावेळी संस्थानच्या वतीने देणगीदार साईभक्तांचा सत्कार करण्यात आला. या भक्ताने आपले नाव जाहीर करण्यास नकार दिला आहे.