शिंदे गटाकडून हिंगोली आणि यवतमाळ-वाशीमचा उमेदवार बदलण्यात आला आहे. हिंगोलीचे विद्यमान खासदार हेमंत पाटील यांना जाहीर झालेली उमेदवारी मागे घेत बाबुराव कदम कोहाळीकर यांना उमेदवारी देण्यात आली आहे. तर यवतमाळ वाशिममधून हेमंत पाटलांऐवजी त्यांची पत्नी राजश्री पाटील यांना उमेदवारी देण्यात आली आहे. शिंदे गटाने भाजपाच्या दबावामुळे उमेदवार बदलली असल्याची चर्चा राजकीय वर्तुळात सुरू आहे.

महत्त्वाचे म्हणजे शिंदे गटाकडून आतापर्यंत तीन विद्यमान खासदारांचे तिकीटही कापण्यात आले आहे. यावरूनच शिवसेनेच्या उद्धव ठाकरे गटाचे नेते अदित्य ठाकरे यांनी शिंदे गटावर टीका केली आहे. ‘ज्यांनी दिली साथ, त्यांचाच केला घात’ हे मिंधे गटाचे ब्रीदवाक्य आहे, असे ते म्हणाले. मुंबईत आयोजित ठाकरे गटाच्या मेळाव्या ते बोलत होते.

Arvind Kejriwal,
स्वाती मालिवाल मारहाण प्रकरणी अरविंद केजरीवालांच्या आई-वडिलांची चौकशी होणार? दिल्ली पोलीस म्हणाले…
shrirang barne allegations on ncp marathi news
मावळमध्ये निकालापूर्वीच महायुतीत वादाची ठिणगी; खासदार श्रीरंग बारणेंचा अजितदादांच्या राष्ट्रवादीवर आरोप, म्हणाले…
ravindra waikar interview statement why party changed
“माझ्याकडे दोनच पर्याय होते, तुरुंग किंवा…”, शिंदे गटाचे नेते रवींद्र वायकरांचा गौप्यस्फोट
What Ajit pawar Said?
अजित पवार यांनी शरद पवारांच्या आरोपांना दिलं उत्तर, “मी जर इतका भ्रष्टाचारी, नालायक आणि…”
Kirit Somaiya on Yamini Jadhav and Ravindra Vaikar
‘आता घोटाळेबाजांचा प्रचार करावा लागणार?’ किरीट सोमय्या म्हणाले, “ही तडजोड…”
abhishek banerjee challenges amit shah
“हिंमत असेल तर माझ्या विरोधात निवडणूक लढवून दाखवा”, ममता बॅनर्जींच्या पुतण्याचे अमित शाह यांना आव्हान; म्हणाले, “जी व्यक्ती…”
sharad pawar replied to narendra modi
नरेंद्र मोदींच्या ‘अतृप्त आत्मा’ टीकेवर शरद पवारांचे प्रत्युत्तर; म्हणाले, “त्यांचे म्हणणं खरं आहे, पण…”
Devendra Fadnavis Answer to Uddhav Thackeray
देवेंद्र फडणवीसांचा टोला, “उद्धव ठाकरेंनी मोदींवर टीका करणं म्हणजे सूर्याकडे थोबाड करुन थुंकण्याचा प्रकार”

हेही वाचा – “हिंदू विवाह कायद्यांतर्गत ‘कन्यादान’ आवश्यक नाही, तर…”; अलाहाबाद उच्च न्यायालयाचा नि…

नेमकं काय म्हणाले आदित्य ठाकरे?

“मिंधे गटाने आतापर्यंत आठ उमेदवार जाहीर केले आहेत. त्यापैकी तीन उमेदवार त्यांनी बदलले आहेत, तसेच ते आणखी दोन उमेदवार बदलण्याच्या तयारीत आहे. त्यामुळे ‘ज्यांनी दिली साथ, त्यांचाच केला घात’ हे मिंधे गटाचे ब्रीदवाक्य आहे”, अशी टीका आदित्य ठाकरे यांनी केली आहे. “मिंधे गटाबरोबरच भाजपादेखील उमेदवार बदलण्याच्या तयारीत आहेत, अशी माहिती मला मिळाली आहे. भाजपा शिवसेनेला ( उद्धव ठाकरे गट) घाबरली आहे. त्यामुळे भाजपाने मुंबईत सहापैकी दोनच उमेदार जाहीर केले आहेत”, असेही ते म्हणाले.

शेतीवरून मुख्यमंत्री शिंदेंना लगावला टोला

यावेळी बोलताना आदित्य ठाकरे यांनी मुख्यमंत्री एकनाथ शिंदे यांना शेती करण्यावरूनही लक्ष्य केलं. “मुख्यमंत्री फक्त अमावस्या-पोर्णिमेला गावी जातात. बाकी कधी जात नाही, त्यांची शेती वेगळी असते”, असा टोला त्यांनी लगावला.

हेही वाचा – श्रीकांत शिंदेंचे ‘कल्याण’; फडणवीसांची ठाण्यात ‘पाचर’, मुख्यमंत्र्यांचा बालेकिल्ला अस…

“मुंबईसह महाराष्ट्राचं महत्त्व कमी करण्याच्या प्रयत्न”

“संपूर्ण राज्य आणि देशाचं लक्ष्य मुंबईतील सहा जागांच्या निकालाकडे लागलं आहे. आज देशात मुंबई आणि महाराष्ट्राचं महत्त्व कमी करण्याच्या प्रयत्न सुरू आहे. महाविकास आघाडीच्या काळात आम्ही राज्यात मोठ्या प्रमाणात उद्योग आणण्याचा प्रयत्न केला होता. मात्र, गेल्या दोन अडीच वर्षात राज्यात येणारे मोठे उद्योग गुजरातमध्ये वळण्यात आले. या उद्योगांमुळे मुंबई, पुण्यासह संपूर्ण महाराष्ट्रातील तरुणांना रोजगार मिळाला असता”, असेही ते म्हणाले.