scorecardresearch

Premium

“मला विनाकारण ट्रोल केलं जातंय”, अजित पवारांची नाराजी; म्हणाले, “आम्हाला बदनाम…”

अजित पवार म्हणतात, “…त्या काळात कुणाकुणाच्या त्यावर सह्या आहेत हेही मी दाखवायला तयार आहे. आज ते सरकार नाही म्हणून लगेच आमच्या नावाने पावत्या फाडतायत.”

ajit pawar on contract recruitment
अजित पवारांचा विरोधकांवर हल्लाबोल! (फोटो – एएनआय संग्रहीत)

गेल्या काही दिवसांपासून राज्यात कंत्राटी भरतीचा मुद्दा चर्चेत आला आहे. एकीकडे बेरोजगारीचा मुद्दा ऐरणीवर असताना दुसरीकडे राज्य सरकारकडून खासगी कंपन्यांकडून कंत्राटी पद्धतीने कर्मचारी भरती केली जात असल्याची टीका होत आहे. या भरतीमध्ये आरक्षणही नसल्याचा मुद्दा उपस्थित केला जात आहे. या पार्श्वभूमीवर अजित पवारांनी पुण्यात माध्यमांशी बोलताना आपली भूमिका मांडली आहे. आपल्याला यासंदर्भात विनाकारण ट्रोल केलं जात असल्याचं अजित पवार यावेळी म्हणाले.

काय म्हणाले अजित पवार?

अजित पवारांनी आपल्या चर्चेत आलेल्या विधानावर स्पष्टीकरण दिलं आहे. “कारण नसताना मला ट्रोल करायचं काम चालू आहे. काल मी दिवसभर मंत्रालयात होतो. एक लाख ५० हजार मुलामुलींची भरती महाराष्ट्राच्या वेगवेगळ्या विभागात चालू आहे. आमच्या विरोधकांना उकळ्या फुटतात आणि काहीही व्हॉट्सअॅप व सोशल मीडियावर वेगळ्या बातम्या पसरवतात”, अशा शब्दांत त्यांनी विरोधकांना लक्ष्य केलं आहे.

PM Narendra Modi
”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…”
kerala mercy killing news
दोन मुलांना दुर्मिळ आजार, संपूर्ण कुटुंबाच्या इच्छामरणासाठी केरळमधील दाम्पत्य सर्वोच्च न्यायालयात जाणार; म्हणाले…
Ajit Pawar on Amol Kolhe
“अजित पवार शिरुरमध्ये आहेत याकडे आव्हान म्हणून पाहण्यापेक्षा…”, अमोल कोल्हेंचं सूचक विधान
Rohit Pawar ED
रोहित पवारांची ११ तासांनंतर ईडी चौकशी संपली; कार्यालयाबाहेर येताच म्हणाले, “जेव्हा एखादा कार्यकर्ता अडचणीत येतो…”

“काही विभागात काही हजारांत कर्मचारी कमी आहेत. त्यांच्या भरतीची प्रक्रिया सध्या चालू आहे. काही ठिकाणी टाटाला आपण भरती करायला सांगितलं आहे. तीन कंपन्या आपण निवडल्या आहेत. त्याशिवाय एमपीएससीकडून भरती केली जाते. काही ठिकाणी ताबडतोब माणसं लागतात. उदाहरणार्थ ३० हजाराची शिक्षकभरती. मागच्या सरकारच्या काळात काय घडलं आणि कुणाकुणावर कारवाई करण्यात आली हे आपल्यासमोर आहे”, असंही अजित पवार म्हणाले.

“एका शासकीय कर्मचार्‍याच्या पगारात खासगी कंपनीचे ३-३ कर्मचारी काम करू शकतात” – अजित पवार

“कधीकधी काहीजण कोर्टात जातात. कोर्टानं काही सूचना केल्या तर त्याचं पालन करावंच लागतं. कारण ते त्यांचे आदेश असतात. शिक्षक विभागात नवे शिक्षक भरती होईपर्यंत मुलांना सांगता येत नाही की भरती होईपर्यंत तुम्हाला त्या विषयाला शिकवायला कुणी नाही. म्हणून आम्ही निवृत्त झालेल्यांना तात्पुरतं भरती करून घेतलं”, असं अजित पवारांनी नमूद केलं.

मागच्या सरकारच्या काळातलाच निर्णय?

दरम्यान, कंत्राटी पद्धतीने भरती करण्याचा निर्णय मागच्या सरकारच्या काळातलाच असल्याचं अजित पवार म्हणाले. “तो निर्णय आत्ताचा नाही. तो निर्णय मागच्या सरकारच्या काळातला आहे. त्या काळात कुणाकुणाच्या त्यावर सह्या आहेत हेही मी दाखवायला तयार आहे. आज ते सरकार नाही म्हणून लगेच आमच्या नावाने पावत्या फाडायचं, आम्हाला बदनाम करायचं काम चालू झालं. मलाही कळतं. मीही ३२ वर्षांपासून महाराष्ट्रात काम करतोय. तरुण-तरुणींचे काय प्रश्न आहेत, बेरोजगारीचे काय प्रश्न आहेत हे आमच्याही डोळ्यांसमोर आहेत. ते दूर करण्यासाठी आपण दीड लाखांची भरती करत आहोत. काही ठिकाणी तातडीने माणसं लागतात यासाठी तात्पुरत्या स्वरुपात माणसं भरली. कायमस्वरूपी नाही”, अशी भूमिका अजित पवारांनी यावेळी मांडली.

अजित पवारांचं ‘ते’ विधान!

दरम्यान, दोन दिवसांपूर्वी केलेल्या विधानाच्या संदर्भात अजित पवार आज बोलत होते. “शासकीय कर्मचार्‍यांच्या वेतनावर होणारा खर्च प्रचंड असून एका कर्मचार्‍याच्या पगारात खासगी कंपनीचे तीन तीन कर्मचारी काम करू शकतात. राज्याचे वार्षिक बजेट साडेपाच ते सहा लाख कोटींचे असून यापैकी २ लाख ४० हजार कोटींचा खर्च केवळ वेतनावर होतो”, असं विधान अजित पवारांनी केलं होतं. त्यावरून विरोधकांनी त्यांच्यावर टीका सुरू केली होती.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ajit pawar explains on contract recruitment for government posts pmw

First published on: 15-09-2023 at 08:42 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×