“निवडणूक आयोगाचा निर्णय…”, अध्यक्षपदाच्या निवडीवरून अजित पवारांचं विधान

शरद पवारांच्या प्रतिक्रियेनंतर उपमुख्यमंत्री अजित पवार यांनीही प्रतिक्रिया दिली आहे. संबंधित प्रकरण निवडणूक आयोगाकडे गेलं आहे. निवडणूक आयोगाचा निर्णय आम्हाला मान्य असेल, अशी प्रतिक्रिया अजित पवारांनी दिली. ते मुंबईत प्रसारमाध्यमांशी बोलत होते.

हेही वाचा- एकनाथ शिंदेंचं मुख्यमंत्रीपद धोक्यात? कुणाची वर्णी लागणार? रामदास आठवले म्हणाले…

अजित पवारांच्या राष्ट्रीय अध्यक्षपदाच्या निवडीवर प्रश्नचिन्ह उपस्थित केल्याबाबत विचारलं असता अजित पवार म्हणाले, “तो प्रस्ताव आता निवडणूक आयोगासमोर आहे. निवडणूक आयोग प्रत्येकाचं म्हणणं ऐकून घेईल आणि निर्णय देईल. कालच मी मराठी भाषेत अतिशय स्पष्टपणे सांगितलं होतं, निवडणूक आयोग जो निर्णय देईल, तो आम्हाला मान्य असेल.”

हेही वाचा- “एकनाथ शिंदे अपात्र होऊ शकत नाहीत”; भाजपाच्या वरिष्ठ नेत्याचं मोठं विधान, थेट सांगितली कारणं

अजित पवार गटाने केलेले दावे शरद पवारांनी फेटाळून लावल्याबाबत विचारलं असता अजित पवार पत्रकारांवर भडकले. यावेळी ते म्हणाले, “आम्ही आमची भूमिका तुम्हाला सांगायला बांधील नाहीत. आमचं प्रकरण निवडणूक आयोगासमोर गेलं आहे. यावर निवडणूक आयोग निर्णय घेणार आहे. आम्हाला जो काही पत्रव्यवहार करायचाय आणि जी भूमिका मांडायची आहे, ती आम्ही वकिलामार्फत मांडू. निवडणूक आयोगाने निर्णय जाहीर केल्यावर सर्व संभ्रम दूर होईल.”