scorecardresearch

Premium

VIDEO : “पावसात सभा घेतल्याने राष्ट्रवादीचे दोन तुकडे झाले होते, आता…”, शरद पवारांवर आशिष शेलारांची टीका

शरद पवार यांची काल (२६ नोव्हेंबर) नवी मुंबईत भर पावसात सभा झाली. या सभेमुळे त्यांच्या साताऱ्यातील सभेची सर्वांना आठवण आली.

Ashish Shelar on Sharad Pawar
आशिष शेलारांची शरद पवारांवर टीका (फोटो – लोकसत्ता ग्राफिक्स टीम)

राष्ट्रवादीचे अध्यक्ष शरद पवार यांचे २०१९ साली विधानसभेच्या प्रचारातील पावसातील भाषण तुफान गाजले. त्यांच्या भाषणाची आजही राजकीय वर्तुळात चर्चा असते. काल (२६ नोव्हेंबर) असाच अवकाळी पाऊस झाला, नेमकं तेव्हाच शरद पवारांचं नवी मुंबईत भाषण सुरू होतं. नवी मुंबईत भर पावसात झालेल्या भाषणाचीही आज सर्वत्र चर्चा सुरू आहे. यावरून भाजपा नेते आशिष शेलार यांनी टीका केली आहे.

“मला असं वाटतं स्वतःचा पक्ष वाचवण्याची ही त्यांची धडपड आहे. कोणी कुठे सभा घ्यावी हा लोकशाहीत ज्याचा त्याचा अधिकार आहे”, असं आशिष शेलार म्हणाले. ते पुढे म्हणाले की, पावसात सभा घेतल्यानंतर राष्ट्रवादीचे दोन तुकडे झाले होते. आता सभा घेतल्यानंतर उरलेल्या दीड वर्षांत राष्ट्रवादी लोणच्याएवढी तरी राहील का. हा प्रश्न त्यांनी त्यांच्या मनाला विचारावा”, अशी टीका आशिष शेलारांनी केली.

deepak kesarkar s banner with retirement suggestions text appeared at various places in sindhudurg at vengurle taluka
सिंधुदुर्गात केसरकरांच्या विरोधात बॅनरबाजी; भाजप शिवसेनेतील बेबनाव चव्हाट्यावर
Bhaskar Jadhav
“त्यांनी हातवारे करून उचकवलं अन्…”, भास्कर जाधवांनी सांगितला गुहागरमधील राड्याचा संपूर्ण घटनाक्रम
mumbai 581 mill workers marathi news, kon village near panvel
मुंबई : पात्र विजेत्यांची कोनमधील घराची प्रतीक्षा अखेर संपुष्टात, पात्र ५८१ गिरणी कामगारांना गुरुवारी चाव्यांचे वाटप
A huge crowd of citizens outside Karuna Hospital after the ghosalkar firing incident
मॉरिस नरोन्हाचे सर्वपक्षीय नेत्यांशी संबंध? पूर्ववैमनस्यातून अभिषेक घोसाळकर यांच्यावर गोळीबार

काल नेमकं काय घडलं?

नेरुळ येथे राष्ट्रवादी काँग्रेस पार्टीचा महिला मेळावा आयोजित करण्यात आला होता. या मेळाव्याला प्रमुख मार्गदर्शक म्हणून शरद पवार उपस्थित होते. पाऊस आणि जोराचा वारा वाहत असल्याने येथेही साताऱ्याची पुनरावृत्ती होणार असल्याची चर्चा सभास्थळी ऐकायला मिळाली. शरद पवारांचं भाषण ऐकण्यासाठी त्यांचे चाहते आणि कार्यकर्ते उपस्थित होते. शरद पवारांनी या लोकांना नाराज केलं नाही. पवारांनी भर पावसात भाषण केलं. साताऱ्यातल्या सभेत दिसलेला शरद पवारांचा तोच जोश, तोच उत्साह आणि तीच आक्रमकता पुन्हा एकदा पाहायला मिळाली.

हेही वाचा >> पुन्हा तोच जोश; साताऱ्यानंतर नवी मुंबईत शरद पवारांची भर पावसात सभा, म्हणाले, “निराशेवर मात करून…”

सुप्रिया सुळेंचं प्रत्युत्तर काय?

शरद पवार हे मार्केटमधलं क्रमांक एकचं नाणं आहेत. जेव्हा हेडलाईन करायची असते तेव्हा शरद पवारांचंच नाव घेतलं जातं हे शरद पवार यांचं भाग्य आहे आणि सगळ्यांच्या विश्वासाचं प्रतीक आहे. सहा दशकं हे नाणं टिकून आहे असं सुप्रिया सुळे म्हणाल्या.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ashish shelar criticizes sharad pawar ncp was split in two due to meeting in rain now sgk

First published on: 27-11-2023 at 20:28 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×