scorecardresearch

Premium

‘भुजबळ महाला’तील ऐश्वर्यसंपन्नतेने अधिकारीही थक्क

शहरातील भुजबळ फार्म येथे उभारलेल्या अलिशान महालाचा राजेशाही थाट पाहून मंगळवारी लाचलुचपत प्रतिबंधक विभागाचे अधिकारीही चकीत झाले.

‘भुजबळ महाला’तील ऐश्वर्यसंपन्नतेने अधिकारीही थक्क

शहरातील भुजबळ फार्म येथे उभारलेल्या अलिशान महालाचा राजेशाही थाट पाहून मंगळवारी लाचलुचपत प्रतिबंधक विभागाचे अधिकारीही चकीत झाले. फारसे कोणाच्या दृष्टिस न पडणाऱ्या महालाचे दरवाजे छापेसत्रामुळे प्रथमच किलकिले झाले. विधानसभा निवडणुकीवेळी प्रतिज्ञापत्राव्दारे छगन भुजबळ यांची मालमत्ता २२ कोटी तर पुत्र आ. पंकज भुजबळ यांची २१ कोटी रुपयांची असल्याचे उघड झाले होते. तथापि, या कारवाईत केवळ या महालाचीच किंमत १०० कोटीच्या घरात असल्याचे या विभागाने म्हटल्याने भुजबळ कुटुंबियांची ऐश्वर्यसंपन्नता प्रगट झाली आहे.
लाचलुचपत प्रतिबंधक विभागाने माजी सार्वजनिक बांधकाम मंत्री आ. छगन भुजबळ, आ. पंकज भुजबळ आणि माजी खासदार समीर भुजबळ यांच्या राज्यातील इतर मालमत्तांसह नाशिक जिल्ह्यातील घर व कार्यालयावर एकाचवेळी छापे टाकले. भुजबळ फार्म येथील चंद्राई आणि राम बंगला, राजेशाही थाटाची आठवण करून देणारा भुजबळ पॅलेस, येवला व मनमाड येथील बंगले आणि कार्यालय आदींचा त्यात समावेश आहे. ही कारवाई सुरू असताना दुसरीकडे राष्ट्रवादीच्या स्थानिक कार्यकर्त्यांनी जिल्हाधिकारी कार्यालयासमोर निदर्शने करत सत्ताधाऱ्यांचा निषेध केला. या सर्व छाननीत पथकाचे खऱ्या अर्थाने लक्ष वेधून घेतले ते भुजबळ महालाने. या महालावर ‘लोकसत्ता’ने आधीच प्रकाशझोत टाकला होता.
जुन्या काळातील राजेशाही महालाची आवृत्ती असणारी ही हवेली ४६ हजार ५०० चौरस फुट असून त्यात सुमारे २५ खोल्या आहेत. भुजबळ कुटुंबियांशी अतिशय निकटचे संबंध असणाऱ्या मोजक्याच लोकांना आजवर महालाचे प्रत्यक्ष दर्शन झाले आहे. अन्य कोणाला तिकडे फिरकण्यास सक्त मनाई. गतवर्षी झालेल्या लोकसभा निवडणुकीनंतर भुजबळ कुटुंबिय या महालात वास्तव्यास गेले. राजस्थानी पद्धतीच्या दुमजली महालाचे जलतरण तलाव, टेनिस मैदान, विस्तीर्ण हिरवळ असे आधुनिक रूप पाहून तपास अधिकारी थक्क झाले.

* विधानसभा निवडणुकीत अर्ज दाखल करताना प्रतिज्ञापत्रात छगन भुजबळ यांनी २२ कोटी तर आ. पंकज भुजबळ यांनी २१ कोटी रुपयांची मालमत्ता दाखवली होती.
* त्यावेळी या महालाची माहिती दिली गेली की नाही याची छाननी तपास यंत्रणा करणार असल्याचे सूत्रांनी सांगितले.
* २००९  विधानसभा निवडणुकीवेळी भुजबळ पती-पत्नींकडे चल व अचल अशी एकूण सात कोटी ७५ लाख २९ हजार २३ रुपयांची मालमत्ता होती.
* पाच वर्षांत मालमत्तेची आकडेवारी २१ कोटी ९१ लाख रुपये झाली. नांदगाव मतदार संघाचे आ. पंकज भुजबळ यांच्या कुटुंबियांची एकूण मालमत्ता सुमारे २१ कोटींच्या घरात होती.

Manoj Jarange Patil demands
आमचा सेनापती इमानदार… लक्षवेधक संदेश चर्चेत
Police bravery medal gadchiroli
गडचिरोली : नक्षल्यांशी मुकाबला करणाऱ्या १९ जवानांना पोलीस ‘शौर्य’ पदक, सोमय मुंडेंना राष्ट्रपती पदक
mns party worker brutally beaten for tearing banner in mumbra
मुंब्रा येथे बॅनर फाडल्याने मनसेच्या पदाधिकाऱ्याला बेदम मारहाण
Uttar Pradesh_ Lawyers Beat Up Collectorate Police Post In-Charge In Maharajganj; Video Goes Viral
कायदा सुव्यवस्थेचा बोजवारा, वकीलांच्या गटानं पोलीस अधिकाऱ्याला केली बेदम मारहाण

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Chhagan bhujbal palace at nashik cost 100 million

First published on: 17-06-2015 at 02:10 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×