काँग्रेस नेते धीरज देशमुख रुग्णालयात दाखल

धीरज देशमुख यांनी फेसबुक पोस्टमध्ये लिहिलं आहे की, “कोणत्याही लहान मोठ्या आजाराकडे दुर्लक्ष करणे परवडणारे नसते. मागील दोन-तीन दिवसांपासून अंगात थोडासा ताप होता. पण प्रचारसभांच्या व्यस्ततेमुळे तब्येतीकडे जरा दुर्लक्षच झाले. शेवटी नाईलाजाने काल लातूरमध्येच दवाखान्यात अॅडमिट व्हावे लागले आहे. हवामानातील सततच्या बदलामुळे सध्या तापीच्या आजाराचे प्रमाण सगळीकडे वाढले आहे”. सध्या आपण उपचार घेत असून आता प्रकृती सुधारते आहे. काळजी करावी असे कांहीं नाही असंही त्यांनी सांगितलं आहे.

यावेळी धीरज देशमुख यांनी कार्यकर्त्यांनाही तब्येतीची काळजी घेण्यास सांगितलं आहे. “माझे जिवाभावाचे कार्यकर्ते, हितचिंतक व आपण सर्वजण माझ्यासाठी प्रचार करत आहात. या दरम्यान आपण देखील तब्येतीची काळजी घ्या. तुमच्या शुभेच्छा आणि स्नेहाच्या बळावर मी लवकरच बरा होवून आपणासोबत प्रचारात सहभागी होईन हा विश्वास मला आहे,” असं धीरज देशमुख यांनी सांगितलं आहे.