कल्याण-डोंबिवलीत सापडले नायजेरियातून आलेले सहा प्रवासी; आरोग्य विभागाने चाचणी करुन पाठवले नमुने

डोंबिवलीत दक्षिण अफ्रिकेतून आलेल्या प्रवाशाला करोना झाल्यानंतर आरोग्य विभाग सतर्क

Covid 19, Coronavirus, Corona, Omicron, KDMC, Kalyan Dombivli Municipal Corporation
डोंबिवलीत दक्षिण अफ्रिकेतून आलेल्या प्रवाशाला करोना झाल्यानंतर आरोग्य विभाग सतर्क

दक्षिण आफ्रिकेतून आलेला प्रवासी करोनाग्रस्त असल्याचं आढळल्यानंतर कल्याण डोंबिवली महापालिकेचा आरोग्य विभाग सतर्क झाला आहे. आरोग्य विभागाने इतर देशांमधून आलेल्या नागरिकांचा शोध घेण्यास सुरुवात केली आहे. यावेळी नायजेरिया मधून आलेले सहा प्रवासी सापडले असून या प्रवाशांची आरटीपीसीआर चाचणी करुन नमुने तपासण्यासाठी पाठवण्यात आले आहेत अशी माहिती पालिकेच्या साथरोग प्रतिबंधक अधिकारी डॉक्टर प्रतिभा पानपाटील यांनी दिली आहे.

दरम्यान करोना पॉझिटिव्ह आढळलेल्या रुग्णासोबत विमानातून प्रवास केलेल्या ४२ जणांची यादी आरोग्य विभागाने सरकारकडे पाठवली आहे. या सर्व ४२ जणांची संबंधित महापालिकांकडून चाचणी केली जात असल्याचंही त्यांनी सांगितलं आहे.

अफ्रिकेसह जोखमीच्या देशातून महाराष्ट्रात आलेले सहा प्रवासी करोनाबाधित!

करोनाग्रस्त प्रवाशाचा एक सह-प्रवासी कल्याण-डोंबिवलीमधील असून या ५० वर्षीय गृहस्थाची आज करोना चाचणी केली जाणार आहे. तर दुसरीकडे रुग्ण सापडलेल्या इमारतीमधील सर्व नागरिकांचे थुंकीचे नमुने देखील तपासणीसाठी पाठवण्यात आले आहेत. असे असले तरी दक्षिण अफ्रिकेतून आलेल्या प्रवाशाच्या जिनोम सिक्वेन्सिंगच्या अहवालाबाबत आरोग्य विभागाला अद्याप कोणतीही माहिती प्राप्त झाली नसल्याचं पालिकेच्या साथरोग प्रतिबंधक अधिकारी डॉक्टर प्रतिभा पानपाटील यांनी सांगितलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Covid 19 variant omicron six nigeria return people found in kdmc sgy

Next Story
कौशल्य शिक्षणासाठी ‘इन्फोसिस’ची मदत ; राज्यातील ४० लाख महाविद्यालयीन विद्यार्थ्यांना लाभ
फोटो गॅलरी