Covid 19 : राज्यात दिवसभरात २ हजार ८७९ रूग्ण करोनामुक्त ; रिकव्हरी रेट ९७.४३ टक्के

आज १ हजार ८२५ नवीन करोनाबाधित आढळले आहेत.

corona-maharashtra
(प्रातिनिधीक फोटो)

राज्यातील करोना संर्गाची दुसरी लाट आता ओसरत आहे. दररोज आढळणारी करोनाबाधितांची संख्या ही करोनामुक्त होणाऱ्यांच्या तुलनेत कमी आढळून येत आहे. शिवाय, करोनामुळे होणाऱ्या मृत्यूंच्या संख्येतही घट झालेली आहे. मुंबई, पुणे या सारख्या शहरात तर आता दिवसभरात करोनामुळे एकाही रूग्णांचा मृत्यू झाला नसल्याची देखील नोंद झालेली आहे. आज दिवसभरात राज्यात २ हजार ८७९ रूग्ण करोनामुक्त झाले असून, १ हजार ८२५ नवीन करोनाबाधित आढळले आहेत. याचबरोबर, २१ करोनाबाधित रूग्णांचा मृत्यू झाल्याची देखील नोंद झाली आहे.

राज्यात आजपर्यंत एकूण ६४,२७,४२६ करोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) ९७.४३ टक्के एवढे झाले आहे.

आता राज्यातील करोना बाधित रुग्णांची एकूण संख्या ६५,९६,६४५ झाली आहे. तर, सध्या राज्यातील मृत्यूदर २.१२ टक्के एवढा आहे. राज्यात आजपर्यंत १३९८८६ करोनाबाधित रूग्णांचा मृत्यू झाला आहे.

आजपर्यंत तपासण्यात आलेल्या ६,१३,७०,३९० प्रयोगशाळा नमुन्यांपैकी ६५,९६,६४५ (१०.७५ टक्के) नमुने पॉझिटिव्ह आले आहेत. सध्या राज्यात २,०५,२०५ व्यक्ती होमक्वारंटाईनमध्ये आहेत तर १००४ व्यक्ती संस्थात्मक क्वारंटाईनमध्ये आहेत. राज्यात आज रोजी एकूण २५,७२८ ॲक्टिव्ह रुग्ण आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Covid 2 thousand 9 patients were cured from corona in a day in the state msr

Next Story
आश्रमशाळांच्या विद्यार्थ्यांना “संगणक साक्षर” करण्याची योजना बारगळली
ताज्या बातम्या