Dhule Crime : धुळ्यात महिलेला पेढ्यातून गुंगीचं औषध, अश्लील व्हिडीओ आणि दोन वर्षे अत्याचार; मुख्याध्यापकाच्या कृत्यामुळे खळबळ

नेमकी घटना काय?

मुख्याध्यापकाने पीडित महिलेला आर्थिक मदत केली होती. या आर्थिक मदतीतून ओळख झाल्याने मुख्याध्यापकांनी पीडित महिलेच्या घरी जाऊन पेढ्यांमध्ये गुंगीचे औषध देत महिलेवर अत्याचार केला. एवढ्यावरच या नराधम मुख्याध्यापकाने न थांबता पिढीत महिला सोबत केलेल्या शारीरिक संबंधाचा व्हिडिओ वायरल करण्याची धमकी देऊन तब्बल ६० लाख रुपये उकळत ब्लॅकमेल करत तब्बल सव्वा दोन वर्ष महिलेवर अत्याचार केला. अखेर महिलेने पश्चिम देवपूर पोलीस स्टेशन गाठत नराधम मुख्याध्यापकाविरोधात तक्रार दाखल केल्याने पश्चिम देवपूर पोलीस स्टेशन येथे विविध कलमान्वये मुख्याध्यापकाच्या विरोधात गुन्हा दाखल करण्यात आला आहे. पोलिसांनी तातडीने मुख्याध्यापकाला ताब्यात घेत गजाआड केले आहे. घडलेल्या घटनेमुळे धुळ्यात खळबळ उडाली आहे. या प्रकरणाचा अधिक तपास पश्चिम देवपूर पोलीस करत आहेत.

१७ ऑगस्ट २०२३ ला काय घडलंं?

बोरसे आणि पीडित महिलेची ओळख काही काळापूर्वी झाली होती. आर्थिक अडचणींमध्ये बोरसे याने मदत केली आणि त्यातून त्यांच्या संपर्कात वाढ झाली. याच जवळीकपणाचा फायदा घेऊन १७ ऑगस्ट २०२३ रोजी दुपारी साडेबाराच्या सुमारास बोरसे याने महिलेला पेढ्यातून आणलेले गुंगीचे औषध दिले. औषधाचा परिणाम झाल्याने महिला बेशुद्ध पडली आणि त्या अवस्थेत तिच्यावर अत्याचार करण्यात आला. याच वेळी बोरसे याने संपूर्ण घटना आपल्या मोबाईलवर रेकॉर्ड केली. हाच व्हिडीओ दाखवून बोरसे तिला ब्लॅकमेल करत होता.

पोलिसांनी शनिवारी रात्रीच आरोपीला केली अटक

दीर्घकाळ चाललेल्या त्रासामुळे अखेर पीडित महिलेने धीर एकवटत पश्चिम देवपूर पोलिस ठाण्यात तक्रार नोंदवली. तक्रारीचे गांभीर्य लक्षात घेत पोलिसांनी रात्रीच मुख्याध्यापक बोरसे याच्याविरोधात गुन्हा नोंदवून त्याला बेड्या ठोकल्या. पुढील तपास पोलिस निरीक्षकांच्या मार्गदर्शनाखाली सुरू आहे. या घटनेने धुळे शहरात मोठी खळबळ उडाली असून, एका जबाबदार पदावरील व्यक्तीकडून असा अमानवीक कृत्य केल्याने संताप व्यक्त केला जात आहे.