द्रूतगती महामार्गावरील अपघातात दोघेजण जागीच ठार

पुणे-मुंबई द्रुतगती महामार्गावर झालेल्या भीषण अपघातात ट्रकचालक व क्लीनर जागीच ठार झाले. या अपघातात ट्रक, राज्यपरिवहन मंडळाची बस व टँकर या वाहनांचे मोठे नुकसान झाले. हा अपघात २४ नोव्हेंबर रोजी सायंकाळी पुणे-मुंबई द्रुतगती महामार्गावर आत्करगावाजवळ घडला.
ट्रकचा चालक हनुमंतअप्पा बसप्पा गाडद व क्लीनर संतोष कोळीशेट्टी (दोघे रा. बागलकोट-कर्नाटक राज्य) जागीच ठार झाले.  ट्रक चालक  ट्रकमधून साखरेची पोती घेऊन,  पुण्याहून- मुंबईकडे मार्गक्रमणा करीत होता. आत्करगांवचे हद्दीत ट्रकने, पुण्याहून-मुंबईकडे जाणाऱ्या राज्यपरिवहन मंडळाच्या  बसला ठोकर मारली. त्यामुळे बस-पुढील टँकरवर आदळली. अपघात करणारा ट्रक रोडच्या डाव्याबाजूला सुमारे ५० ते ६० फूट खोल दरीत कोसळला.