अखेर कोविडने गाठलेच..; माजी राज्यमंत्री अर्जुन खोतकर करोना पॉझिटिव्ह

फेसबुक पोस्टद्वारे स्वतः दिली माहिती; मुंबईत उपचार सुरू

संग्रहीत

देशभरासह राज्यात करोनाचा प्रादुर्भाव अद्यापही झपाट्याने वाढत आहे. सर्वसामान्य जनतेपासून ते करोना योद्ध्यांसह आजीमाजी मंत्री देखील करोनाच्या विळख्यात सापडत आहेत. मराठवाड्यातील जालना जिल्ह्यातील शिवसेनेचे नेते व माजी राज्यमंत्री अर्जुन खोतकर यांना देखील करोनाचा संसर्ग झाला आहे. त्यांनी स्वतः फेसबुक पोस्टद्वारे याबाबत माहिती दिली आहे.

“लोक संकटात असतांना नेतृत्वाने घरात बसून चालत नाही. कोविडचे सर्व नियम पाळून देखील लोकहिताची कामे करतांना अखेर कोविडने मला गाठलेच. मुंबईतील ब्रीच कँडी रूग्णालयात मी उपचार घेणार असून ईश्वरकृपेने आणि लोकाशिर्वादाने लवकरच यातून बाहेर पडेल. आपल्या सदिच्छा आणि आशिर्वाद हेच माझे बळ आहे.” अशी फेसबुकवर खोतकर यांनी माहिती दिली आहे.

अखेर कोविडने गाठलेच..

लोक संकटात असतांना नेतृत्वाने घरात बसून चालत नाही. कोविडचे सर्व नियम पाळूनदेखील…

Posted by Arjun Khotkar on Sunday, September 13, 2020

शिवाय, माझ्या संपर्कात आलेल्या सर्वांनी आपआपली टेस्ट करून घ्यावी-घरीच रहा-सुरक्षित रहा शासनाच्या निर्देशानाचे सर्वांनी पालन करावे व सुरक्षित रहावे. असे आवाहन देखील त्यांनी केले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Former minister of state arjun khotkar corona positive msr

Next Story
राजेंद्र धवन
ताज्या बातम्या