नगरपालिका निवडणुकीच्या पाश्र्वभूमीवर गस्त घालत असताना विटा आणि तासगावमध्ये १५ लाखांची बेहिशोबी रोखड हस्तगत करण्यात आली. याप्रकरणी पोलिसांनी तिघांना ताब्यात घेतले असून चौकशी करण्यात येत असल्याचे सांगण्यात आले. विटा व तासगाव येथे नगरपालिका निवडणूक सुरू असून पोलिसांनी गस्त सुरू केली आहे. शनिवारी रात्री पोलिसांची विटा शहरात नाकाबंदी सुरू असताना हुंडाई मोटार (क्र. एमएच १०-सीए ८८९९) या वाहनाची तपासणी संशयावरून करण्यात आली. मोटारीमध्ये सात लाख रुपयांची जुन्या ५०० रुपयांच्या चलनातील रोकड मिळाली. याप्रकरणी इरफान गफूर तांबोळी व ित्रबक तांदळे यांच्याकडे चौकशी केली असता त्यांना खुलासा करता आला नाही. तसेच तासगावमध्येही नाकाबंदी सुरू असताना रात्री ९ च्या सुमारास कॉलेज कॉर्नर दत्त माळ येथे साताऱ्याहून आलेल्या मोटारीची (एमएच ११ वाय ३४५२) या वाहनाची झडती घेतली असता ८ लाख ३१ हजार रुपये मिळाले. या प्रकरणी मोटारीत असलेल्या अश्विन तानाजी कट्टे (रा. गोंदवले ता.माण) याला पोलिसांनी ताब्यात घेतले आहे.
