पुण्याच्या महापौर बनल्या आमदार, कसबा मतदारसंघातून मुक्ता टिळक विजयी

कसबा मतदारसंघ हा पुण्याचे खासदार गिरीश बापट यांचा मतदारसंघ आहे. २०१९ लोकसभा निवडणुकीत गिरीश बापटांना खासदारकीची लॉटरी लागल्यानंतर विधानसभेसाठी मुक्ता टिळक यांना उमेदवारी जाहीर करण्यात आली. या मतदारसंघात काँग्रेसच्या अरविंद शिंदे यांचं टिळक यांना आव्हान होतं. त्यातच मनसेच्या अजय शिंदेंकडूनही यंदा कडवी टक्कर पहायला मिळेल असा अंदाज होता. मात्र या सर्व शक्यता फोल ठरवत मुक्ता टिळक यांनी बाजी मारली आहे. अंतिम आकडेवारी हाती येण्याआधी मिळालेल्या माहितीनुसार, मुक्ता टिळक यांना ६० हजारांहून अधिक मतं मिळाली आहेत.