सुजय विखे-पाटील आणि पार्थ पवारांचा ‘याराना’; विमानातला फोटो शेअर करत म्हणाले,…

काही जणांनी या कमेंट्समध्ये आपली मतं मांडली तर काही जणांनी या दोघांचीही चांगलीच फिरकी घेतली.

Sujay Vikhe Parth Pawar

राजकारणात कितीही डावपेच केले, टीकाटिप्पण्या केल्या तरी राजकारणाबाहेर नेत्यांची चांगलीच गट्टी जमते. नेत्यांच्या राजकारणापलिकडच्या मैत्रीचे अनेक किस्से आपण ऐकले असतील. पक्षीय राजकारणापलिकडे जाऊन अनेक नेते एकमेकांशी सख्य ठेवून असतात. अशाच एका मैत्रीचं उदाहरण आज पाहायला मिळालं ते म्हणजे माजी मंत्री राधाकृष्ण विखे पाटलांचे चिरंजीव सुजय विखे पाटील आणि उपमुख्यमंत्री अजित पवारांचे सुपुत्र पार्थ पवार यांचं.

सुजय विखे पाटलांनी आपल्या ट्विटर अकाऊंटवरुन एक फोटो शेअर केला आहे. या फोटोमध्ये ते पार्थ पवार यांच्यासोबत विमानात बसलेले दिसत आहेत. या फोटोला विखे पाटलांनी कॅप्शनही असंच दिलेलं आहे. सर्व सीमांच्या पलिकडची मैत्री असं कॅप्शनही त्यांनी या फोटोंना दिलेलं आहे.

या फोटोवर अनेकांनी संमिश्र कमेंट्स केल्या आहेत. काही जणांनी या कमेंट्समध्ये आपली मतं मांडली तर काही जणांनी या दोघांचीही चांगलीच फिरकी घेतली. तर काही कमेंट्समध्ये या दोघांच्या मैत्रीचं कौतुक केलं आहे. आता या दोघांच्या या भेटीमध्ये काही राजकीय चर्चा झाली की ही भेट निव्वळ दोघा मित्रांची होती, याचं उत्तर कदाचित वेळच देऊ शकेल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Mp sujay vikhe patil share photo with parth pawar says friendship beyond boundaries vsk

Next Story
‘कोरा कागद निळी शाई, आम्ही कोणाला भीत नाही’!
ताज्या बातम्या