'आम्ही सेल्फी काढत फिरत नाही', म्हणणाऱ्या अजित पवारांना सुप्रिया सुळेंचे प्रत्युत्तर; म्हणाल्या "मोदींचा एक..."| mp supriya sule criticizes ajit pawar comment over selfie prd 96

विकासकामांवर बोलताना आम्ही फक्त सेल्फी काढत फिरत नाही, असा टोला अजित पवार यांनी खासदार सुप्रिया सुळे यांना लगावला होता.

अजित पवार, सुप्रिया सुळे (फोटो- लोकसत्ता ग्राफिक्स टीम)

उपमुख्यमंत्री अजित पवार यांनी बारामतीध्ये बोलताना पवार कुटुंबावर भाष्य केले होते. तसेच विकासकामांवर बोलताना आम्ही फक्त सेल्फी काढत फिरत नाही, असा टोलाही खासदार सुप्रिया सुळे यांना लगावला होता. त्यावरच आता खुद्द सुप्रिया सुळे यांनी प्रतिक्रिया दिली. देशाचे पंतप्रधान सेल्फी काढण्यास प्रोत्साहित करतात. मोदीदेखील खासदारांना सेल्फी काढा, असे सांगतात, असे प्रत्युत्तर सुप्रिया सुळे यांनी दिले. त्या माध्यम प्रतिनिधींनी विचारलेल्या प्रश्नांची उत्तरे देत होत्या.

सुप्रिया सुळेंचे अजित पवारांना उत्तर

“प्रत्येक कॉलेजमध्ये मोदींचा एक फोटो लावा, त्या फोटोसोबत एक सेल्फी काढा असा आदेश काढण्यास सांगितले होते. रेल्वेस्थानकापासून ते महाविद्यालयांपर्यंत मोदींच्या फोटोचे सेल्फीपॉइंट्स लावा, असाही आदेश देण्यात आला होता. देशाचे पंतप्रधानच आम्हाला जा आणि सेल्फी काढा असे आवर्जुन सांगतात. या देशाचे पंतप्रधान हे वयाने मोठे आहेत, ज्येष्ठ आहेत. त्यांच्या विचाराचा आम्ही मान सन्मान करतो,” असे प्रत्युत्तर सुप्रिया सुळे यांनी दिले.

This quiz is AI-generated and for edutainment purposes only.

अजित पवार काय म्हणाले होते?

“परदेशी, परराज्यातील गुंतवणूक होण्यासाठी ज्या पायाभूत सुविधा लागतात त्या दौडं, पुरंदर, मुळशी या भागात निर्माण करायच्या आहेत. तेवढी क्षमता आपल्यात आहे. तेवढा आपला आवका आहे. आपण फक्त वरवर राजकारण करत नाही. आपण फक्त सेल्फी काढत फिरत नाही. आपण काम करुनच दाखवतो,” अशी खोचक टीका अजित पवार यांनी सुप्रिया सुळेंचे नाव न घेता केली होती.

First published on: 18-02-2024 at 18:13 IST

Web Title: Mp supriya sule criticizes ajit pawar comment over selfie prd

‘आम्ही सेल्फी काढत फिरत नाही’, म्हणणाऱ्या अजित पवारांना सुप्रिया सुळेंचे प्रत्युत्तर; म्हणाल्या “मोदींचा एक…”

सुप्रिया सुळेंचे अजित पवारांना उत्तर

अजित पवार काय म्हणाले होते?