“तुमच्या पत्नी म्हणाल्या त्यांना चांगलं…” अमृता फडणवीसांचं नाव घेत नाना पाटेकर असं काय बोलले की देवेंद्र फडणवीसांनाही फुटलं हसू

हेही वाचा>>> “एवढा उजेड आहे, आता मशाल कशाला? लोकांना..,” उद्धव ठाकरे गटाच्या नव्या निवडणूक चिन्हावरून नारायण राणेंचे टीकास्त्र

मुलाखतीमध्ये नेमकं काय घडलं?

शिंदे-फडणवीस यांची मुलाखत घेताना नाना पाटेकर बोलत होते. यावेळी बोलताना “देवेंद्र फडणवीस हा माणूस मुद्देसूद बोलतो. त्याबद्दल वाद नाही. त्यांच्या बोलण्यात भावनेचा लवलेश नाही. त्यांच्या विरोधात एकनाथ शिंदे आहेत. त्यांच्या बोलण्यात फक्त भावना असतात. त्यामुळे या दोघांचा एक चांगला समन्वय आहे. कुठलेही सरकार असले तरी मला सगळेच चांगले दिसतात. मला वाईटामध्ये चांगले शोधायची सवय आहे. आम्हाला तुमच्याकडून खूप अपेक्षा आहेत. तुम्ही काहीतरी चांगलं कराल, अशी अपेक्षाच नव्हे तर खात्री आहे,” असे नाना पाटेकर म्हणाले.

हेही वाचा>>> उद्धव ठाकरे गटाला मशाल चिन्ह मिळाल्यानंतर अब्दुल सत्तार यांचे महत्त्वाचे विधान; म्हणाले “एकनाथ शिंदेच आमचे…”

“राजकारणात किती शिवराळ भाषा वापरली जाते. मी जेव्हा बोलतो तेव्हा त्यात माझे संस्कार दिसतात. गलिच्छातील गलिच्छ शब्द कसा वापरायचा याची एक परिसीमा असते. ती सीमा राजकीय नेत्यांनी सांभाळायला हवी. ती नाही सांभाळली तर आपण आपल्या मुलांपुढे कोणते आदर्श ठेवणार आहोत. त्याच्यावर काही नियम आहेत का?” असा सवाल नाना पाटेकर यांनी केला.

हेही वाचा>>> पालघर साधू हत्या प्रकरणावरील राज्याच्या भूमिकेनंतर राम कदमांची महाविकास आघाडीवर टीका, म्हणाले “आमच्या हिंदुत्वाचा एवढा…”

पुढे बोलताना नाना पाटेकर यांनी अमृता फडणवीस यांचे नाव घेतले. हे नाव घेताच सभागृहात हशा पिकला. तसेच देवेंद्र फडणीस यांनाही हसू फुटले. “आम्ही काही चुकीचं केलं की तुम्ही आम्हाला शिक्षा करता. तुम्ही काही केलंत तर आम्ही काय करायचं? असंसदीय शब्दांचा उपयोग तुम्ही करता त्याचं काय? तुमच्या पत्नी म्हणाल्या त्यांना (देवेंद्र फडणवीस) चांगलं खोदा. मी म्हणालो तुम्ही करताय ते कमी आहे का?” असे नाना पाटेकर मिश्किलपणे म्हणाले. नाना पाटेकर यांचे हे शब्द ऐकताच देवेंद्र फडणवीस मंचावर हसू लागले. तसेच खाली बसलेल्या प्रेक्षकांनाही हसू फुटले.