नंदुरबारजवळ एसटी बसची जीपला धडक, ४१ प्रवासी जखमी

पाच प्रवाशांची प्रकृती गंभीर

पुणे-नंदुरबार बसला भीषण अपघात

नंदुरबारमधील ठाणेपाडाजवळ एसटी बस आणि जीपच्या धडकेत ४१ प्रवासी जखमी झाल्याची घटना सोमवारी संध्याकाळी घडली. जखमींपैकी पाच प्रवाशांची प्रकृती गंभीर असून जखमींना स्थानिक रुग्णालयात दाखल करण्यात आले आहे.

पुणे- नंदूरबार ही बस सोमवारी संध्याकाळी साक्री-नंदुरबार रस्त्यावर ठाणेपाडा येथून जात होती. या दरम्यान विरुद्ध दिशेने येणाऱ्या प्रवासी जीपला बसने धडक दिली. या भीषण अपघातात ४१ प्रवासी जखमी झाले. यात बसमधील ३२ प्रवासी  आणि जीपमधील ९ प्रवाशांचा समावेश आहे. जखमी झालेल्या प्रवाशांपैकी पाच जणांची प्रकृती गंभीर आहे. अपघाताचे नेमके कारण अद्याप अस्पष्ट असून याप्रकरणी पोलीस अधिक तपास करत आहे.

ठाणेपाडा येथील ग्रामस्थांनी वेळीच घटनास्थळी धाव घेत जखमींसाठी मदतकार्य राबवले. अपघातातील जखमींना नंदुरबार जिल्हा सामान्य रुग्णालय आणि पुढे खासगी रुग्णालयात दाखल करण्यात आले. अपघातानंतर १०८ रुग्णवाहिका कमी पडल्याने जखमींना रुग्णालयात नेताना अडचणीचा सामना करावा लागला. अपघातानंतर बसचालक पोलिसांसमोर हजर झाला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Nandurbar bus jeep accident several passenger injured near thanepada

ताज्या बातम्या