येथील पोलीस अधीक्षक कार्यालयाच्या तिसऱ्या मजल्यावर ४० वर्षीय व्यक्तीने गळफास घेऊन आत्महत्या केली. बुधवारी दुपारी तीन-साडेतीनदरम्यान हा प्रकार घडला असावा. या प्रकाराने शहरात खळबळ उडाली.
अधीक्षक कार्यालयालगत एका इमारतीचे बांधकाम सुरू आहे. तेथे काम करणाऱ्या मजुरांना ही बाब लक्षात येताच पोलिसांना त्यांनी ही माहिती दिली. मृताची ओळख पटवण्याचे काम रात्री उशिरापर्यंत सुरू होते. शहराचा मध्यवर्ती भाग म्हणून ओळख असलेल्या वजिराबाद परिसरात तीनमजली अत्याधुनिक पोलीस अधीक्षक कार्यालय आहे. बुधवारी इमारतीच्या तिसऱ्या मजल्यावर ४० वर्षीय व्यक्तीने गळफास घेऊन मृत्यूला कवटाळले.