scorecardresearch

Premium

माळशेज घाटात एकेरी वाहतूक सुरू

नगर-कल्याण रस्त्यावरील माळशेज घाटात पडलेल्या भलीमोठी शिळा फोडून एकेरी वाहतूक सुरू करण्यात राष्ट्रीय महामार्ग प्रशासनाला गुरुवारी अखेर यश मिळाले. त्यामुळे आठ दिवसांनंतर वाहतूक सुरळीत झाली.

नगर-कल्याण रस्त्यावरील माळशेज घाटात पडलेल्या भलीमोठी शिळा फोडून एकेरी वाहतूक सुरू करण्यात राष्ट्रीय महामार्ग प्रशासनाला गुरुवारी अखेर यश मिळाले. त्यामुळे आठ दिवसांनंतर वाहतूक सुरळीत झाली.
माळशेज घाटात २४ जुलैला मध्यरात्री डोंगराचा कडा कोसळून वाहतूक ठप्प झाली होती. माळशेज घाटात एवढी मोठी दुर्घटना व इतक्या कालावधीत वाहतूक व्यवस्था ठप्प झाल्याची घटना प्रथमच घडली. ही शिळा फोडण्याचे काम भरपावसात व धुक्यामध्ये सुरू होते. शिळा सुरुंगाद्वारे फोडून वाहतूक व्यवस्था पूर्ववत करण्याचे प्रयत्न महामार्ग विभागाकडून सुरू होते.
एकेरी वाहतूक सुरू करण्याच्या दृष्टीने दगड बाजूला करण्यात आला व गुरुवारी सकाळी एकेरी वाहतूक सुरू करण्यात आली. दुपारी साडेबारा वाजता नगर-कल्याण एसटी आळेफाटा बसस्थानकावरून कल्याणच्या दिशेने सोडण्यात आली. राष्ट्रीय महामार्ग क्र. २२२च्या मुरबाड येथील अधिकारी व कर्मचाऱ्यांनी केलेल्या आठ दिवसांच्या परिश्रमातून वाहतूक सेवा सुरळीत करण्यास यश मिळाले, अशी माहिती महामार्गाचे उपअभियंता प्रदीप दळवी व शाखा अभियंता एस. ए. कदम यांनी दिली.
वाहतूक सुरळीत झाल्यामुळे माळशेज घाटात येणाऱ्या पर्यटकांकडून धांगडधिंगा होऊ नये, तसेच मद्यपींवर नियंत्रण राहावे, यासाठी पोलीस पथक तयार करण्यात आले असून, मद्यपींवर कडक कारवाई करण्यात येणार आहे.
नातेवाइकांना मदत
माळशेज घाटात महाकाय शिळा पडल्याने या शिळेखाली मृत्युमुखी पडलेले टेम्पोमालक रघुनाथ किसन वाघ (वय ५०, रा. पिंपळवंडी) व टेम्पोचालक नामदेव ऊर्फ नवनाथ केदार (वय ३०, रा. मेंगाळवाडी) यांच्या कुटुंबीयांना प्रशासनाच्या वतीने दीड लाख रुपये व मुख्यमंत्री सहायता निधीतून एक लाख रुपये अशी मदत जाहीर करण्यात आली आहे. अशी माहिती कृष्णा खोरे विकास महामंडळाचे उपाध्यक्ष व आमदार वल्लभ बेनके यांनी दिली.

pune satara road khambatki ghat, traffic jam in khambatki ghat
सातारा : खंबाटकी घाटात पुन्हा वाहतूक कोंडी
Ashok toll gate at Kardha closed
भंडारा : १३ वर्षांनंतर कारधा येथील अशोक टोल नाका बंद
pathholes on road
सणासुदीच्या काळातही महामार्गावर कोंडी, जागोजागी खड्डे; आठवडाभरापासून प्रवाशांचे हाल
police operation on National Highway buldhan
बुलढाणा: राष्ट्रीय महामार्गावर पोलिसांची मोठी कारवाई; ७० लाखांचा गुटख्यासह एक कोटीचा मुद्देमाल जप्त

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: One way traffic started on malshej ghat

First published on: 02-08-2013 at 04:40 IST

संबंधित बातम्या

मराठी कथा ×