वाई : आयुर्वेदिक अर्कशाळा लिमिटेड सातारा या कंपनीचे माजी चेअरमन व विद्यमान संचालक सुप्रसिद्ध फिजिशियन डॉ. रवींद्र हर्षे ( ८१) यांचे दुर्धर आजाराने सांगली येथे निधन झाले. त्यांच्या पार्थिवावर बुधवार दि. २४ एप्रिल रोजी सकाळी १० वाजता संगम माहुली येथे अंत्यसंस्कार करण्यात येणार आहेत. त्यांच्या पश्चात पत्नी , मुलगा मुलगी असा परिवार आहे. जुन्या काळातले सातारचे प्रसिद्ध वैद्यकीय तज्ञ म्हणून ते ओळखले जात. गोरगरिबांपासून ते अगदी राजकीय नेत्यांपर्यंत त्यांच्याकडे अनेक जण वैद्यकीय सल्ल्यासाठी येत असत. अत्यंत शांत मनमिळावू आणि कायम गरीब रुग्णांना मदत करणारे डॉक्टर अशी त्यांची ख्याती होती. एक अतिशय विनम्र व तितकाच ताकतीचा डॉक्टर हरपला असल्याची भावना सातारकरांनी व्यक्त केली आहे. त्यांचा मार्क्सवादी विचारांचा गाढा अभ्यास होता.