रामदास कदमांचे उद्धव ठाकरेंना खुले आव्हान; भर सभेत म्हणाले, “हिंमत असेल तर…”

“एकनाथ शिंदेंनीच उद्धव ठाकरेंना मोतोश्रीतून बाहेर काढलं”

“कोकणातील मच्छीमारांची आसवं पुसण्यासाठी उद्धव ठाकरे यांना वेळ नव्हती. आता मात्र ते सगळीकडे सभा घेत आहेत. ते सगळीकडे पळत आहेत. एकनाथ शिंदे यांनीच उद्धव ठाकरेंना पळायला लावलं. एकनाथ शिंदेंनीच उद्धव ठाकरेंना मोतोश्रीतून बाहेर काढलं. उद्धव ठाकरे हे अडीच वर्षे मुख्यमंत्री होते. मात्र ते फक्त दोन वेळा मंत्रालयात आले. आता मात्र ते मोठ्या गप्पा करत आहेत,” अशी खोचक टीका रामदास कदम यांनी उद्धव ठाकरेंवर केली.

“अफजलखान चालून येतो तशा पद्धतीने…”

“उद्धव ठाकरे हे १४ तारखेला दापोलीला येणार आहेत. माझं उद्धव ठाकरेंना जाहीर आव्हान आहे की हिंमत असेल तर मी ज्या ठिकाणी भाषण करतोय, त्याच ठिकाणी त्यांनी सभा घ्यावी. किती स्थानिक लोक तुमच्या सभेला येतात ते पाहा,” असं खुलं आव्हानच कदम यांनी उद्धव ठाकरेंना दिलं. तसेच उद्धव ठाकरेंनी फक्त महाराष्ट्रातून लोक भाड्याने आणू नये. त्यांनी खेडमध्ये सभा घेतली होती. या सभेसाठी त्यांनी उभ्या महाराष्ट्रातून लोक आणले होते. अफजलखान चालून येतो तशा पद्धतीने ते खेडला आले होते, असा टोलाही त्यांनी लगावला.