scorecardresearch

Premium

“शरद पवार आणि उद्धव ठाकरे यांनी लक्ष दिलं, तर…”, रोहित पवारांचा नितेश राणेंना इशारा

“माजी हा शब्द नितेश राणेंना फार जवळचा वाटतो, कारण…”, असा टोलाही रोहित पवारांनी लगावला.

nitesh rane rohit pawar
नितेश राणेंनी केलेल्या टीकेला रोहित पवारांनी उत्तर दिलं. ( फौटो सौजन्य : फेसबुक )

भाजपाचे आमदार नितेश राणे यांनी राष्ट्रवादी काँग्रेसचे आमदार रोहित पवार यांच्यावर टीका केली होती. जगभर फिरण्यापेक्षा थोडं कर्जतमध्ये लक्ष दिलं, तर माजी आमदार लिहिण्याची वेळ येणार नाही, असं टीकास्र नितेश राणे यांनी रोहित पवार यांच्यावर सोडलं होतं. याला रोहित पवार यांनीही प्रत्युत्तर दिलं आहे.

“राष्ट्रवादी काँग्रेसचे अध्यक्ष शरद पवार आणि शिवसेना ( ठाकरे गट ) पक्षप्रमुख उद्धव ठाकरे यांनी लक्ष दिलं, तर कोण माजी आमदार होतंय पाहूया,” असं आव्हान रोहित पवारांनी नितेश राणेंना दिलं.

chandrashekhar bawankule (1)
“…भाजपाचे वरिष्ठ नेते फक्त तमाशा बघतात”, ‘त्या’ विधानावरून बावनकुळेंचा रोहित पवारांना इशारा, म्हणाले…
rohit pawar on gopichand padalkar
पडळकरांसह अजित पवार गटातील नेत्यांवर रोहित पवारांचा संताप; म्हणाले, “चॉकलेट बॉय…”
narendra modi eknath shinde
“जंगलाचा राजा सिंहच असतो, २०१४ अन् २०१९ सालीही…”, एकनाथ शिंदे यांचं विधान
uddhav thackeray rahul narwekar
ठाकरे गटातील खासदाराकडून राहुल नार्वेकरांचा ‘सरडा’ असा उल्लेख; म्हणाले, “अनेक पक्षांचे रंग…”

नितेश राणे काय म्हणाले?

“रोहित पवार सीनियर केजीमध्ये आहेत. अजूनही ते शाळेत पोहचले नाहीत. मिशी, दाढी आणि आवाजाचा कंठही रोहित पवारांना फुटलेला नाही. जगभर फिरण्यापेक्षा थोडं कर्जतमध्ये रोहित पवारांनी लक्ष द्यावे. अन्यथा माजी आमदार लिहिण्याची वेळ येईल,” असं नितेश राणे यांनी म्हटलं होतं.

हेही वाचा : “…तर संभाजीनगरमधील एकनाथ शिंदेंच्या पत्रकार परिषदेला जाणार”, संजय राऊतांचा इशारा

“मला दाढी आहे. नितेश राणेंनी आरशात पाहावे. माजी हा शब्द नितेश राणेंना फार जवळचा वाटतो. कारण, निलेश राणेंबद्दल त्यांच्या मनात काही गोष्टी असाव्यात. नितेश राणेंनी आपल्या मतदारसंघात पाहिलं पाहिजे,” असा सल्ला रोहित पवारांनी दिला.

हेही वाचा : “राष्ट्रवादीत फूट पडली नसल्याचं निवडणूक आयोगाला सांगितलं होतं, पण…”, जयंत पाटलांची टीका

“नारायण राणे हे ज्येष्ठ नेते आहेत. त्यांच्याबद्ल आमच्या मनात आदर आहे. नारायण राणेंबाबतच्या बऱ्याच गोष्टी शरद पवारांनी आम्हाला सांगितल्या आहेत. नितेश राणेंच्या निवडणुकीत शरद पवार सहसा लक्ष देत नाहीत. या निवडणुकीत शरद पवार आणि उद्धव ठाकरे यांनी मनापासून लक्ष दिलं, तर उद्या कोण माजी आमदार होतंय पाहूया,” असं रोहित पवार यांनी म्हटलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit pawar reply nitesh rane over karjat former mla statement ssa

First published on: 15-09-2023 at 23:10 IST

संबंधित बातम्या

मराठी कथा ×