शिवसेना नरमली या केवळ अफवा : संजय राऊत

शिवसेना नरमली, माघार घेतली, तडजोड केली, समसमान पदांची मागणी सोडली वगैर अशा पुड्या सुटू लागल्या आहेत. ये पब्लिक है, सब जानती है. जे ठरले होते त्या प्रमाणेच होईल, अशा आशयाचं ट्विट संजय राऊत यांनी केलं आहे. त्यामुळे आता पुन्हा एकदा शिवसेना आणि भाजपामधील वाद समोर आला आहे. यापूर्वी मुख्यमंत्री देवेंद्र फडणवीस यांनी ५०-५० टक्क्यांच्या फॉर्म्युलावर कधी चर्चा झाली नसल्याचं सांगितलं होतं. फिफ्टी-फिफ्टीच्या फॉर्म्युल्यावर कधीही चर्चा झाली नाही, असे जर मुख्यमंत्री बोलत असतील तर आपल्याला सत्याची व्याख्याच बदलावी लागेल, अशा शब्दांत राऊत यांनी मुख्यमंत्री देवेंद्र फडणवीस यांच्यावर निशाणा साधला होता.

शिवसेना नरमली. माघार. तडजोड. समसमान पदांची मागणी सोडली..वगैर पुडया सुटू लागल्या आहेत.ये पब्लिक है.सब जानती है.जे ठरले होते त्या प्रमाणेच होईल. pic.twitter.com/KLbzNkZgHI

— Sanjay Raut (@rautsanjay61) October 30, 2019

तसंच महाराष्ट्राची कुंडली आम्हीच बनवणार. कुठले ग्रह कुठे ठेवायचे, कुठले तारे जमिनीवर आणायचे, कुठले चमकावायचे ती ताकत शिवसेनेमध्ये आहे असा दावाही राऊत यांनी केला होता. सरकार स्थापनेची घाई करुन चालणार नाही. शातं, थंड डोक्याने महाराष्ट्राच्या हिताचा विचार करुन काही निर्णय घ्यावे लागतील. त्यासाठी उद्धव ठाकरे समर्थ आहेत. ठरल्याप्रमाणे सगळं घडलं तर येणार सरकार स्थिर असेल असंही ते म्हणाले होते.