सांगली : तरसाच्या हल्ल्यात चार शेळ्या ठार झाल्याची घटना चोपडेवाडी (ता. पलूस) या गावी रविवारी सकाळी उघडकीस आली. वन विभागाच्या कर्मचार्‍यांनी घटनास्थळी जाऊन पाहणी करून पंचनामाही केला. हेही वाचा - VIDEO: मोदी अफ्रिकेला इंडियन मुजाहिद्दीनचे प्रतिनिधी म्हणून गेले होते का? उद्धव ठाकरेंचा सवाल, म्हणाले… हेही वाचा - “मटक्याचे अड्डे चालवणाऱ्याला हिंदुत्ववादी म्हणायचं का?” उद्धव ठाकरेंच्या टीकेला बांगर प्रत्युत्तर देत म्हणाले… गावातील मोहन माने यांचे गावालगत असलेल्या शेतात घर व गोठा आहे. तसेच गोठ्यालगतच शेळ्यांसाठी बंदिस्त शेड उभारले आहे. शनिवारी रात्री अज्ञात प्राण्याने सहा फूट उंचीच्या भिंतीवरून येऊन शेळ्यांच्या कळपावर हल्ला केला. यामध्ये चार शेळ्यांचा जागीच मृत्यू झाला असून एक शेळी गंभीर जखमी झाली आहे. आज सकाळी चारापाणी करण्यासाठी गेल्यानंतर ही बाब समोर आली. वनपाल ए.एस.जाधव यांनी घटनास्थळी जाऊन पाहणी केली असता हल्ला तरसाने केला असावा, अशी शक्यता व्यक्त केली.
