Video : रायगडमध्ये बसला दुचाकीची धडक, तिघांचा मृत्यू; घटना कॅमेऱ्यात कैद

भरधाव वेगाने येणारी दुचाकी एका कारला ओव्हरटेक करण्याच्या नादात समोरून येणाऱ्या शाळेच्या बसवर जोरात आदळली. यात दुचाकीवरील तिघांचा जागीच मृत्यू झाला. घटनेची माहिती मिळताच स्थानिक बचाव पथके आणि पोलीस घटनास्थळी दाखल झाले. अपघातात दोघा दुचाकीस्वारांचा जागीच मृत्यू झाला होता.

एक जण गंभीररीत्या जखमी सल्याचे त्यांच्या लक्षात आले. त्याला तातडीने जांभुळपाडा येथील प्राथमिक आरोग्य केंद्रात आणण्यात आले. मात्र त्यापूर्वी त्याचाही मृत्यू झाला होता. अपघातात दगावलेल्या तिन्ही दुचाकीस्वारांची अद्याप ओळख पटलेली नाही. खोपोली आणि पाली पोलीस या अपघातग्रस्तांचा शोध घेत आहेत. दरम्यान या भिषण दुर्घटनेचा व्हिडीओ बसच्या मागून येणाऱ्या वाहनावरील डॅश कॅम मध्ये कैद झाला आहे.