सांगली : शहरातील कॉलेज कॉर्नर येथे झालेल्या किरकोळ वादातून महाविद्यालयीन विद्यार्थ्याचा बुधवारी सायंकाळी तीक्ष्ण हत्याराने भोसकून खून करण्यात आला. या खून प्रकरणी तीन तरुणांना गुरुवारी अटक करण्यात आली. अजित अंगडगेरी (१९) या तरुणाचा काल सायंकाळी कर्नाळ रोडवर भोसकून खून करण्यात आला होता. त्याला शेतातून बोलावून नेऊन हत्या करण्यात आली होती. मिळालेल्या माहितीच्या आधाराने पोलीसांनी सुफियना बागवान (१९), सुजित शिंदे (२०) आणि सौरभ वाघमारे (१९) या तिघांना गुरुवारी अटक करण्यात आली.
