वर्धा: हरतालिकेचे विसर्जन करताना चौघे बुडाले

आज दुपारच्या सुमारास ही घटना घडली. रविवारी हरतालिकेची पूजा होती. ती आटोपल्यानंतर आज हरतालिकेचे विसर्जन करण्यासाठी वणा नदी रेल्वे पुलाजवळ असलेल्या कवड घाटावर विसर्जनासाठी दोन महिला गेल्या होत्या. त्यांच्यासोबत दोन लहान मुलंही होती. विसर्जन करताना एक मुलगा नदीत पडली. त्याला वाचवण्यासाठी त्याच्या आईने पाण्यात उडी घेतली. त्याची बहीणही त्याला वाचवण्यासाठी नदीपात्रात गेली. मात्र चौघेही जण बुडाले. एका पोलीस कर्मचाऱ्याने एका महिलेला कसेबसे वाचवले मात्र डॉक्टरांकडे घेऊन गेले असता डॉक्टरांनी या महिलेला मृत घोषित केले. आता वणा नदी पात्रात तिघांचा शोध घेतला जातो आहे. NDRF चे पथक बेपत्ता महिला आणि दोन मुलांचा शोध घेत आहेत.