पुण्यात लॉक अपमध्ये असलेल्या दोन कैद्यांचा आत्महत्येचा प्रयत्न

पोलिसांनी दिलेल्या माहितीनुसार, कोंढवा पोलिसांनी घरफोडीच्या गुन्ह्यात गोरखसिंग गागासिंग टाक आणि तिलकसिंग गब्बरसिंग टाक यांना केली होती. या दोघांना अटक करुन रात्री दोनच्या सुमारास विश्रामबाग पोलीस ठाण्यातील लॉक अपमध्ये ठेवण्यात आले होते. शनिवारी पहाटे सहाच्या सुमारास या दोन्ही आरोपीनी लॉक अपमधील स्वच्छतागृहात धारदार वस्तूने हात, पाय आणि गळ्यावर वार करुन आत्महत्या करण्याचा प्रयत्न केला असल्याची माहिती देण्यात आली.या घटनेचा तपास विश्रामबाग पोलीस करत आहेत.