विश्वास पवार
वाई : साताऱ्यात उमेदवारी अर्ज दाखल करायला करण्यास सुरुवात झाली असली तरी खासदार उदयनराजे भोसले अद्यापही उमेदवारीच्या प्रतीक्षेत आहेत. त्यांची उमेदवारी महायुतीतून भाजपने अद्यापही जाहीर केलेली नाही. सातारा लोकसभा मतदारसंघातून उमेदवारी मिळवण्यासाठी इच्छूक असलेले उदयनराजे भोसले दिल्लीत ठाण मांडून मुंबई फिरून आले. भाजपकडून महाराष्ट्रातील लोकसभा उमेदवारांच्या याद्या प्रसिद्ध झाल्या आहेत. मात्र, यामध्ये उदयनराजे भोसले यांच्या नावाचा समावेश नसल्याने त्यांच्या समर्थकांना मोठा धक्का बसला आहे. या मुद्दय़ावरून उदयनराजे भोसले यांच्या समर्थकांनी जाहीरपणे नाराजी व्यक्त केली आहे. मात्र, भाजपने या नाराजीची कोणतीही दखल घेतलेली नाही.

उदयनराजे भोसले यांनी देवेंद्र फडणवीस यांच्याशी बोलून समाधान न झाल्याने त्यांनी दिल्लीत धाव घेतली.  दिल्लीतील अमित शहा आणि देवेंद्र फडणवीस यांच्या भेटीनंतरही उमेदवारी लांबणीवर पडत असल्याने आश्चर्य व्यक्त होत आहे. उदयनराजे भोसले यांना सातारा लोकसभा मतदारसंघातून उमेदवारी देण्यासाठी भाजपमधून विरोध असल्याची चर्चा आहे.

Sanjay Raut and Praful Patel
“…म्हणून अजित पवार गटाला मंत्रिपद नाही”; दाऊदच्या प्रॉपर्टीचा उल्लेख करत संजय राऊतांचा मोठा दावा
Controversy in Nashik Teacher Constituency Election candidate beaten up
नामसाधर्म्य असलेल्या प्रतिस्पर्धी उमेदवाराला मारहाण; नाशिक शिक्षक मतदारसंघाच्या निवडणुकीला वादाचे ग्रहण
Amol Kolhe, Sharad Pawar,
“वादळ छातीवर झेलण्याची ताकद शरद पवारांनी दाखवली”, सुरुवातीच्या कलांवर काय म्हणाले अमोल कोल्हे?
Complaint of BJP candidate and teacher leader hastily suspended
वर्धा : भाजप उमेदवाराची तक्रार अन् शिक्षक नेता तडकाफडकी निलंबित
Anand sharma postal ballet request
‘या’ काँग्रेस नेत्याची पोस्टल बॅलेटद्वारे मतदनाची विनंती सर्वोच्च न्यायालयाने नाकारली; काय आहेत कारणं?
Chief Minister Eknath Shinde refused to answer a question on the implementation of the package
पॅकेजच्या अंमलबजावणीवर मुख्यमंत्र्यांची सारवासारव; मराठवाडातील टंचाई आढावा बैठक वेळकाढूपणा असल्याची विरोधकांकडून टीका
bjp vs tmc kolkata high court
उच्च न्यायालयाचा भाजपाला दणका, तृणमूलविरोधातील अपमानजनक जाहिरातींवर बंदी; निवडणूक आयोगालाही खडसावलं
Chhagan Bhujbal - Sharad Pawar
“पक्ष फुटला नसता तर मीच मुख्यमंत्री झालो असतो”, शरद पवारांच्या ‘त्या’ दाव्यावर छगन भुजबळांची प्रतिक्रिया

हेही वाचा >>>उष्माघाताच्या धोका! राज्यात रुग्णसंख्या ७७ वर; जाणून घ्या सर्वाधिक धोका कुठे…

उपमुख्यमंत्री अजित पवार महायुतीमध्ये आल्यानंतर त्यांना सातारा आणि माढा मतदारसंघांवर दावा केला होता. मात्र, माढा मतदारसंघाची उमेदवारी रणजितसिंह नाईक निंबाळकर यांना अगोदर जाहीर करण्यात आली. साताऱ्याची जागा अजित पवार गटाने हक्काने मागून घेतली आहे. त्यांचा उमेदवार तयार असतानाही उदयनराजे यांनी शक्ती प्रदर्शन करत प्रचाराला सुरुवात केली. अजित पवार गटा कडून उदयनराजेंना घडय़ाळाच्या चिन्हावर निवडणूक लढवावी असे सांगण्यात आले. धनंजय मुंडे यांनी तसा निरोप दिला. मात्र, उदयनराजे भाजपच्या कमळ या चिन्हावरच निवडणूक लढवण्यावर ठाम आहेत.

अजित पवार जागा सोडायला तयार नाहीत आणि उदयनराजे ठाम असल्यामुळे भाजपची अडचण झाली आहे. उदयनराजे यांची राज्यसभेची मुदत अजून शिल्लक आहे. भाजप पक्षश्रेष्ठींनी त्यांना राज्यसभेतूनच पक्ष संघटना आणि केंद्रीय मंत्रिमंडळात स्थान देण्याबाबत  विचार करता येईल परंतु आपण साताऱ्याच्या जागेचा हट्ट सोडावा असे सांगण्यात आले होते. त्याप्रमाणे पक्षश्रेष्ठींचा निरोप घेऊन भाजपने गिरीश महाजन साताऱ्यात येऊन उदयनराजे व शिवेंद्रसिंहराजेंना भेटून गेले. भाजप पक्षश्रेष्ठींच्या निरोपानंतरही उदयनराजे कमळ या चिन्हावर निवडणूक मिळविण्यासाठी अडून राहिल्यामुळे भाजपचे वरिष्ठ नाराज आहेत. त्यामुळे त्यांची उमेदवारी जाहीर व्हायला वेळ लागत आहे. उदयनराजेंना उमेदवारी भाजपाकडून मिळाली तर राष्ट्रवादीचे दोन्ही गट शशिकांत शिंदेंना मदत करतील अशी भीती भाजपाला आहे. राष्ट्रवादीचे नेते वेगवेगळे झाले असतील तरी कार्यकर्ते मात्र एकत्रच आहेत. त्यामुळे सध्याच्या परिस्थितीत भाजप कोणाची नाराजी आणि जोखीम ओढून घ्यायला तयार नाही. त्यामुळे उदयनराजेंच्या उमेदवारीची प्रतीक्षा कायम आहे.