उदयनराजे भोसले

छत्रपती उदयनराजे भोसले हे छत्रपती शिवाजी महाराज यांचे तेरावे वंशज आहेत. खासदार उदयनराजे भोसले यांना सगळा महाराष्ट्र छत्रपती उदयनराजे या नावाने ओळखतो. सध्या ते भाजपाचे राज्यसभेतील खासदार आहेत. २०१९ च्या निवडणुकीत ते राष्ट्रवादी काँग्रेसच्या तिकिटावर लोकसभेत निवडून गेले होते. परंतु, खासदारकीचा राजीनामा देत त्यांनी पक्षाला रामराम ठोकला आणि भाजपात प्रवेश केला. आपल्या रोखठोक स्वभावासाठी आणि बोलण्याच्या खास शैलीसाठी उदयनराजे ओळखले जातात. मध्यंतरीच्या काळात राज्यपालांकडून छत्रपती शिवरायांचा अपमान झाला त्यावेळी उदयन राजेंनी आंदोलन उभं केलं होतं.