Video: चंद्रकांत पाटलांचं शरद पवारांच्या पावलावर पाऊल… भर पावसात सुरु ठेवलं सभेतील भाषण

रविवारी पुण्यामध्ये झालेल्या एका कार्यक्रमात चंद्रकांत पाटील भाषण करत असताना अचानक पावसाला सुरुवात झाली, तरी पाटील यांनी भाषण थांबवलं नाही.

Chandrakant Patil Sharad Pawar Rain Speech
पुण्यामधील त्या भाषणाने झाली पवारांच्या भाषणाची आठवण

खेळाचे मैदान असो किंवा राजकारणाचे एखादी खेळी ही कायमच सामन्याचा निकाल पालटण्यासाठी महत्वाची ठरते. राष्ट्रवादी काँग्रेसचे अध्यक्ष शरद पवार यांनी २०१९ च्या विधानसभा निवडणुकीच्या वेळेस भर पावसामध्ये घेतलेली एक सभा अशाच प्रकारचे ‘वारं फिरवण्यास’ कारणीभूत ठरल्याचा दावा राष्ट्रवादीकडून अनेकदा करण्यात आलाय. पवारांची पावसातील सभा आजही अनेकांच्या लक्षात आहे. मात्र पवारांच्या त्या पावसातील सभेची रविवारी पुणेकरांना पुन्हा आठवण करुन दिली ती भारतीय जनता पार्टीचे महाराष्ट्र प्रदेशाध्यक्ष चंद्रकांत पाटील यांनी.

पुणे शहरातील नवी पेठेतील सेनादत्त पोलीस चौकीसमोरील चौकाचे नामकरण करण्यात आलं. सामाजिक कार्यकर्ते स्वर्गीय सुरेश आप्पा माळवदकर असे या चौकाचे नावे नाव ठेवण्यात आले आहे. या कार्यक्रमामध्ये मान्यवरांच्या उपस्थितीत भाजपा प्रदेशाध्यक्ष चंद्रकांत पाटील यांच्या हस्ते फलक अनावरण करण्यात आलं. फलक अनावरणानंतर मुख्य कार्यक्रम सुरुवात झाली. मात्र त्यानंतर काही वेळातच पावसाचेही आगमन झाले.

पाऊस पडू लागला तेव्हा चंद्रकांत पाटील यांचे भाषण सुरू होते. मात्र त्यांनी पाऊस पडू लागल्यानंतरही मध्येच भाषण न थांबता सुरेश आप्पा माळवदकर यांच्याबद्दल आपल्या भावना व्यक्त केल्या. भर पावसामध्ये चंद्रकांत पाटील भाषण देत होते. बाजूला त्यांच्या मागेच एक व्यक्ती छत्री घेऊन उभी होती तर मंचावरील खुर्चांवर बसलेल्या काही मान्यवरांनाही डोक्यावर छत्री पकडली होती. मात्र चंद्रकांत पाटील हे पावसामध्ये भिजतच भाषण देत होते.

१८ ऑक्टोबर २०१९ ला शरद पवारांनी भर पावसात सातारा या ठिकाणी सभा घेतली होती. पाच ते सहा मिनिटांच्या त्यांच्या भाषणाने त्याच वर्षी झालेल्या महाराष्ट्र विधानसभा निवडणुकीचा सगळा नूरच पालटून टाकल्याचं सांगितलं जातं.

अनेकांना पवार यांच्या याच सभेची आठवण चंद्रकांत पाटील यांच्या या सभेमुळे झाल्याचं रविवारी पुण्यात पहायला मिळालं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Video bjp leader chandrakant patil gave speech in rain just like what sharad pawar had done few years ago scsg

Next Story
आश्रमशाळांच्या विद्यार्थ्यांना “संगणक साक्षर” करण्याची योजना बारगळली
ताज्या बातम्या