प्लॉटच्या कारणावरून सांगलीतील कर्नाळ रोडवरील काकानगर येथे शुक्रवारी दुपारी एका तरुणाचा खून झाला असून या बाबत रितसर तक्रार दाखल करण्याची प्रक्रिया उशिरापर्यंत सुरू होती.
संतोष शिवाप्पा तेवरे या तरुणाच्या वडिलांनी भावासोबत संयुक्त १५०० चौरस फुटाचा भूखंड घेतला होता. या भूखंडावरून चुलत भावाशी काही दिवसांपूर्वी भांडणेही झाली होती. आज दुपारी संतोष तेवरे याला अज्ञात दोघांनी काठीने जबर मारहाण केली. त्यात तो जागीच ठार झाला. या संदर्भात सांगली ग्रामीण पोलीस ठाण्यात तक्रार दाखल करण्याचे काम सुरू होते.