मि. परफेक्शनिस्ट आमिर खान आज त्याच्या ५४ वा वाढदिवस साजरा करत आहे. 'यादों की बारात' या चित्रपटातून बॉलिवूडमध्ये पदार्पण करणारा हा अभिनेता आज प्रत्येकाच्या गळ्यातलं ताईत झाला आहे. वर्षाकाठी केवळ एकच ब्लॉकबस्टर चित्रपट करणारा आमिर चित्रपटाच्या निवडीबाबत बराच चोखंदळ आहे. त्याच्या याच गुणशैलीमुळे त्याला मि. परफेक्शनिस्ट म्हणून संबोधलं जातं. आज आमिरचा वाढदिवस असल्यामुळे सर्व स्तरांमधून त्याच्यावर शुभेच्छांचा पाऊस पडत आहे. विशेष म्हणजे सोशल मीडियावर त्याच्या एका चाहत्याने त्याला आगळीवेगळी शुभेच्छा दिली आहे. सध्या पाहायला गेलं तर सोशल मीडियामध्ये आमिरवर शुभेच्छांचा वर्षावर होत आहे. मात्र या साऱ्यामध्ये आमिरच्या एका जबरा फॅनची जोरदार चर्चा रंगली आहे. आमिरचा एक चाहता आमिरच्या प्रत्येक वाढदिवशी काही ना काही तरी वेगळी संकल्पना निवडत त्याला शुभेच्छा देत असतो. यावेळी देखील त्याने एक हटके संकल्पना निवडल्याचं पाहायला मिळालं. या चाहत्याने एका रिक्षामध्ये देव्हारा ठेवला होता. या देव्हाऱ्यामध्ये त्याने आमिरचा फोटो ठेऊन त्याला फुलांच्या माळा घातल्या होत्या. त्याच्यासाठी आमिर देवासमान आहे त्यामुळे त्याने अशा पद्धतीने शुभेच्छा दिल्याचं सांगण्यात येत आहे. विशेष म्हणजे या चाहत्याने त्याच्या रिक्षावरही आमिरचे काही फोटो चिटकवले आहेत. #AamirKhan's 53rd Birthday Celebration | Fans Reaction@aamir_khan #HappyBirthdayAamirKhan #HBDAamirKhan #Bollywood #BollywoodNews #Bollyspy Watch Video pic.twitter.com/SYe2KhozYB — Bollywood Spy (@BollySpy) March 14, 2019 या चाहत्याप्रमाणेच अन्य काही चाहत्यांनीही त्याला हटके शुभेच्छा दिल्या आहेत. एका चाहत्याने आमिरचे आतापर्यंत ठरलेल्या ब्लॉकबस्टर चित्रपटांची यादी शेअर केली आहे. त्यासोबतच कमाईचा आकडाही सांगितला आहे. First 100Cr Movie: Ghajini First 200Cr Movie: 3 Idiots First 300Cr Movie: PK First 2000Cr Movie WW: Dangal First 50Cr Opening Day: ToH Padma Shri Padma Bhushan The Real Perfectionist#HappyBirthdayAamirKhan @aamir_khan pic.twitter.com/ezSc5BYKcU — Mursaleen Ansari (@Mursaleen_Ansar) March 14, 2019 केवळ देशातच नाही तर परदेशातही आमिरचा मोठा चाहतावर्ग आहे. त्यामुळे काही परदेशी चाहत्यांनी आमिराला शुभेच्छा दिल्या आहेत. Here's wishing a very Happy Birthday to one of the greatest actors to grace Bollywood ~ Aamir Khan Keep up the good work. Wish to see you in more movies in the years to come. #HappyBirthdayAamirKhan pic.twitter.com/n1h7qqO9VR दरम्यान,आमिरच्या वाढदिवस त्याचे चाहते एखाद्या मोठ्या सण-उत्सवाप्रमाणे साजरा करत आहेत. मात्र आमिरने दरवर्षीप्रमाणे त्याचा वाढदिवस मीडियासोबत सेलिब्रेट केल्याचं पाहायला मिळत आहे. आमिर दरवर्षी त्याचा वाढदिवस मीडिया, फोटोग्राफर यांच्यासोबत सेलिब्रेट करत असतो. यावेळी त्याच्यासोबत पत्नी किरण रावदेखील उपस्थित असते.