बॉलिवूड अभिनेता अभिषेक बच्चन आज आपला ४४वा वाढदिवस साजरा करत आहे. या निमित्ताने त्याला शुभेच्छा देण्यासाठी रितेश देशमुखनं त्याच्यासोबतचा एक फोटो ट्विट केला. या फोटोवरुन केआरकेने अभिषेकची खिल्ली उडवली आहे. स्वयंघोषित चित्रपट समिक्षण आणि अभिनेता कमाल खान (KRK) सोशल मीडियावर प्रचंड सक्रिय असतो. तो सोशल मीडियाव्दारे नेहमीच वादग्रस्त वक्तव्य करत असतो. यावेळी त्याने बर्थडे बॉय अभिषेक बच्चनवर निशाणा साधला आहे. Yes I do remember, he was replying to a Journo, who asked him that why is he not doing main lead role. And you all were making fun of Abhi. lol! And that’s why he didn’t do #Housefull4! — KRK (@kamaalrkhan) February 5, 2020 रितेशनं शेअर केलेल्या फोटोवर केआरके म्हणाला, "मला आठवतयं त्यावेळी एका पत्रकाराने अभिषेकला चित्रपटात मुख्य व्यक्तिरेखा साकारण्याबाबत प्रश्न विचारला होता. आणि त्यावेळी खाली बसलेले सर्व जण त्याची खिल्ली उडवत होते. खरं तर त्याला म्हणूनच हाऊसपुल ४ मध्ये देखील काम मिळाले नाही." अशा आशयाचं ट्विट करुन कमाल खाननं अभिषेकची खिल्ली उडवली. यापूर्वी त्याने सुशांत सिंह राजपूतची देखील अशाच प्रकारे खिल्ली उडवली होती. "त्याला काम मिळत नसल्यामुळे तो भूमिगत झाला आहे" असे केआरकेने म्हटले होते.
