बॉलिवूड अभिनेता अभिषेक बच्चन लवकरच डिजिटल प्लॅटफॉर्मवर पदार्पण करणार आहे. त्याची 'ब्रीथ : इंटू द शॅडो' ही वेब सीरिज लवकरच प्रेक्षकांच्या भेटीस येणार आहे. या वेब सीरिज संदर्भात अभिषेकने नुकतीच एक मुलाखत दिली. या मुलाखतीमध्ये त्याने बोल्ड सीन न देण्याबाबत व्यक्त केले आहे. नुकताच अभिषेकने राजीव मसंद यांना मुलाखत दिली. या मुलाखतीमध्ये त्याने इंटिमेट सीन न देण्याबाबत वक्तव्य केले आहे. 'काही चित्रपट आणि त्यातील सीन्स आता मला करायची इच्छा नाही. तसेच मी असे काही करणार नाही जे पाहून माझी मुलगी आराध्याला चांगले वाटणार नाही आणि ती मला प्रश्न विचारेल इथे नेमकं काय सुरु आहे' असे अभिषेक म्हणाला. View this post on Instagram Look at the stars Look how they shine for you And everything you do Yeah they were all yellow- Coldplay. #fatherdaughter A post shared by Abhishek Bachchan (@bachchan) on Jan 5, 2019 at 1:24am PST 'मी निर्मात्यांना प्रोजेक्ट साईन करण्यापूर्वी नेहमी सांगतो की जर इंटिमेट सीन्स असतील तर ते करण्यासाठी मी तयार नाही. तुमच्याकडे इतरही पर्याय आहेत' असे अभिषेक पुढे म्हणाला. त्यानंतर अभिषेकने इंटिमेट सीन करण्यास नकार दिल्यामुळे अनेक चित्रपट हातातून गेल्याचेही सांगितले आहे. पण अभिषेक आजही त्याच्या निर्णयावर ठाम असल्याचे त्याने सांगितले आहे. 'मला माझ्या निर्णयामुळे पश्चाताप होत नाही. मी वेगळ्या बाजूने विचार करत आहे आणि दिग्दर्शक- निर्माते एका वेगळ्या बाजूने विचार करतात. त्यांना त्यावर विचार करायचा नसेल तर मी त्यांच्या निर्णयाचा नेहमी आदर करतो' असे अभिषेक पुढे म्हणाला आहे.