टीव्ही क्वीन एकता कपूरच्या ‘कसौटी जिंदगी की २’मध्ये अनुराग बासुची भूमिका साकारणारा अभिनेता पार्थ समथानला करोनाचा संसर्ग झाल्याचे समोर आला होता. पार्थने सोशल मीडिया पोस्टद्वारे ही माहिती दिली होती. आता त्याची करोना चाचणी निगेटीव्ह आली आहे. तो सध्या कुटुंबीयांसोबत पुण्यात राहत आहे. दरम्यान एका यूजरने पार्थ क्वारंटाइनच्या नियमांचे उल्लंघन करत असल्याचे ट्विट केले आहे. त्या यूजरला रिप्लाय देत पार्थने चांगलेच सुनावले आहे. एका यूजरने ट्विटरवर 'टीव्ही अभिनेता पार्थ समथान बीएमसीच्या क्वारंटाइन नियमांचे उल्लंघन करत आहे. बीएमसीने त्याचे घर सील केले होते. पण आता तो घरातून बाहेर पडताना दिसत आहे. तो सार्वजनिक सोयीसुविधांचा वापर करत आहे. त्याच्या घरात काम करणारी व्यक्ती अजूनही करोना पॉझिटीव्ह आहे. बीएमसीने यावर लवकरात कारवाई करावी' असे म्हटले आहे. That is why there are BMC rules, and Management Committee. Society has a quarantine center with 24 hr helpline from doctors where he could have contacted. If everybody started giving these kind of excuses like Parth there would be no control. — Shilpa (@Suhaasi) July 28, 2020 Dear @Suhaasi ,yes I have tested negative and I was home quarantined for 17 days which technically is more than 14 .. and last night I had a panic attack so were you willing to take me to the doc?? And now m on my to Pune to spend some much needed time with my family .. — Parth Samthaan (@LaghateParth) July 28, 2020 या यूजरच्या ट्विटवर पार्थने उत्तर दिले आहे. 'माझी करोना चाचणी निगेटीव्ह आली आहे. मी १७ दिवस होम क्वारंटाइन होतो. खरतर १४ दिवसच होम क्वारंटाइन करतात. आणि हा काल रात्री मला पॅनिक अटॅक आला होता. तुम्ही मला डॉक्टरांकडे घेऊन जाता का? सध्या मी माझ्या कुटुंबीयांसोबत पुण्यात वेळ घालवत आहे' असे म्हणत त्याने चांगलेच सुनावले आहे. पार्थने इन्स्टाग्रामवर त्याचा फोटो शेअर करत करोना झाल्याचे सांगितले होते. ‘माझी करोना चाचणी पॉझिटीव्ह आली आहे. माझ्यामध्ये करोनाची सौम्य लक्षणे आढळली होती. गेल्या काही दिवसांपासून माझ्या संपर्कात आलेल्या सगळ्यांना मी विनंती करतो की त्यांनी त्यांची करोना चाचणी करुन घ्या’ असे त्याने म्हटले होते. आता पार्थने करोनावर मात केली आहे.