24 August 2019

News Flash

Video : अग्निपथ ! अग्निपथ! अग्निपथ! हृतिक झाला भावूक

चित्रपटातील आठवणींना उजाळा देण्यासाठी हृतिकने एक व्हिडिओ शेअर केला आहे.

हृतिक रोशन

‘ग्रीक गॉड’ या नावाने लोकप्रिय असलेला अभिनेता हृतिक रोशनने २००० साली ‘कहो ना प्यार है ‘या चित्रपटातून बॉलिवूडमध्ये पदार्पण केलं. या चित्रपटामुळे हृतिक रातोरात प्रसिद्धीच्या झोतात आला. त्यानंतर एकाहून एक सुपरहिट चित्रपट त्याने बॉलिवूडला दिले त्यातलाच एक चित्रपट म्हणजे अग्निपथ. या चित्रपटातील हृतिकची भूमिका चांगलीच गाजली होती. नुकतीच या चित्रपटाने ७ वर्ष पूर्ण केली आहेत. त्यानिमित्ताने हृतिकने एक पोस्ट शेअर केली आहे.

२०१२ मध्ये आलेल्या अमिताभ बच्चन यांच्या ‘अग्निपथ’चा रिमेक व्हर्जन असलेल्या हृतिकच्या या चित्रपटाला २६ जानेवारीला ७ वर्षे पूर्ण झाली. या चित्रपटाच्या काही आठवणींमुळे भावूक झालेल्या हृतिकने सोशल मीडियावर एक व्हिडिओ शेअर केला आहे. यात हृतिक हरिवंश राय बच्चन यांची कविता वाचून दाखवत असल्याचं पाहायला मिळत आहे.

अग्निपथ हा चित्रपट मला जीवनात मिळालेली सर्वात मोठी देणगी आहे. माझ्यासाठी ते एखाद्या भेटवस्तू पेक्षा कमी नाही. काम करताना जोखीम पत्करायला लावणाऱ्या फार कमी स्क्रिप्ट असतात.त्यातलाच हा एक चित्रपट. या चित्रपटामध्ये अभिनयासोबत साहसदृष्यांवरही भर देण्यात आला होता. त्यामुळे हा चित्रपट माझ्यासाठी अविस्मरणीय आहे, असं हृतिकने व्हिडिओच्या कॅप्शनमध्ये लिहीलं आहे.

 

View this post on Instagram

 

Agneepath gave me the opportunity of going all guns blazing. Rarely does a script come along which warrants the actor to risk everything. Including his bones. Those are the kind of roles I look for. Otherwise I’m just the laziest guy. I was shooting for ZNMD in Spain when Karan Johar sent Karan malhotra to narrate the script inspite of me very vehemently turning down the idea of a remake of the classic. .He was right. .Cause after I heard the narration, I just couldn’t say no. . Rest is history. . Had some fun while meditating on the poem today with my phone. . And right now all I want to do for the rest of my life is action movies. . #happyrepublicday #7yearsofAgneepath #actionmovies

A post shared by Hrithik Roshan (@hrithikroshan) on

पुढे तो असंही लिहीतो, ‘जिंदगी ना मिलेगी दोबारा’चं चित्रीकरण सुरु असताना करण जोहरने मला या चित्रपटासाठी विचारलं. यासाठी त्याने करण मल्होत्राला माझ्याकडे विचारणा करण्यासाठी पाठवलं होतं. त्यावेळी अशा मोठ्या चित्रपटाचा रिमेक बनवण्याची कल्पना मला जराही मान्य नव्हती. पण मी चित्रपटाची कथा ऐकली आणि त्याला नकार देऊ शकलो नाही. यानंतरचा माझा प्रवास साऱ्यांनाच माहित आहे’.

दरम्यान, अग्निपथच्या आठवणींमध्ये भावूक झालेल्या हृतिकचा आगामी चित्रपट ‘सुपर ३०’ हा लवकरच प्रेक्षकांच्या भेटीला येणार आहे. हा चित्रपट २५ जानेवारीला प्रदर्शित होणार होता. मात्र त्यानंतर अचानक प्रदर्शनाच्या तारखेत बदल करण्यात आल्याचं सांगण्यात येत आहे.

First Published on January 27, 2019 2:33 pm

Web Title: agneepath hrithik roshan emotional and shares his heartfelt experience