सध्या बॉलिवूड अभिनेता रणबीर कपूर आणि त्याची गर्लफ्रेंड आलिया भट्ट सोशल मीडियावर चर्चेत आहे. या चर्चा त्यांचा एक व्हिडीओ व्हायरल झाल्यामुळे सुरु झाल्या आहेत. व्हिडीओमध्ये रणबीर आणि आलिया रात्री १ वाजता पार्टी अटेंड करुन बाहेर पडताना दिसत आहेत. हा व्हिडीओ पाहून नेटकऱ्यांनी त्यांना ट्रोल करण्यास सुरुवात केली आहे. आज रणधीर कपूर यांचा ७४वा वाढदिवस आहे. वाढदिवस साजरा करण्यासाठी काल रात्री १२ वाजता संपूर्ण कपूर कुटुंबीय एकत्र जमले होते. त्यांनी एका पार्टीचे आयोजन केले होते. त्यावेळी तेथे रणबीर आणि आलिया देखील उपस्थित होते. रणधीर कपूर यांचा छोटा भाऊ आणि रणबीर कपूरचे काका राजीव कपूर यांचे पाच दिवसांपूर्वीच निधन झाले आहे. असे असताना देखील कपूर कुटुंबीयांनी पार्टीचे आयोजन केल्यामुळे नेटकरी संतापले आहेत. त्यांनी आलिया आणि रणबीरला ट्रोल करण्यास सुरुवात केली आहे. View this post on Instagram A post shared by Viral Bhayani (@viralbhayani) एका यूजरने, 'धक्कादायक, राजीव कपूर यांच्या निधनाला एक आठवडाही झाला नाही आणि हे लोकं पार्टी एन्जॉय करतायेत' असे कमेंट करत म्हटले आहे. तर दुसऱ्या एका यूजरने किती स्वार्थी आणि निर्दयी आहेत हे लोकं अशी कमेंट केली आहे. रणधीर कपूर यांच्या वाढदिवसानिमित्त आयोजीत केलेल्या पार्टीला आलिया भट्ट, रणबीर कपूर, करीना कपूर खान, सैफ अली खान, नीतू कपूर, तारा सुतारिया, करिश्मा कपूर, रिद्धिमा कपूर, संजय कपूर यांनी हजेरी लावली असल्याचे म्हटले जाते. ९ फेब्रुवारी रोजी राजीव कपूर यांचे हृदयविकाराच्या झटक्याने निधन झाले. ते ५८ वर्षांचे होते. रणबीर कपूर काका राजीव कपूर यांच्या अगदी जवळचा असल्याचे म्हटले जाते.
