बॉलिवूडचे महानायक अमिताभ बच्चन सोशल मीडियावर प्रचंड सक्रिय असतात. ऑनलाईन ब्लॉग्स, फोटो, व्हिडीओ, ट्विट्स यांसारख्या माध्यमातून ते कायम आपल्या चाहत्यांच्या संपर्कात राहण्याचा प्रयत्न करतात. यावेळी त्यांनी चाहत्यांना आवाहन करण्यासाठी एक इन्स्टाग्राम पोस्ट केली आहे. “पुढील काही दिवस माझ्या बंगल्यासमोर गर्दी करु नका” असं अमिताभ म्हणाले आहेत. "मशहूर होने का शौक़ नहीं मुझे; आप मुझे पहचानते हैं बस इतना काफ़ी है" असा संदेश त्यांनी आपल्या चाहत्यांना या इन्स्टाग्राम पोस्टच्या माध्यमातून दिला आहे. संपूर्ण देश सध्या करोना विषाणूच्या वाढत्या संक्रमणामुळे त्रस्त आहे. आतापर्यंत हजारो लोकांना या प्राणघातक विषाणूची लागण झाली आहे. या पार्श्वभूमीवर बिग बींनी त्यांना पाहण्यासाठी घराजवळ गर्दी न करण्याचे आवाहन चाहत्यांना केले आहे. दर रविवारी अमिताभ आपल्या चाहत्यांची भेट घेण्यासाठी घराबाहेर पडतात. मात्र यावेळी ते करोना विषाणूमुळे घराबाहेर पडणार नाहीत. View this post on Instagram ' मशहूर होने का शौक़ नहीं मुझे ; आप मुझे पहचानते हैं बस इतना काफ़ी है ' ~ HRB, पूज्य बाबूजी A post shared by Amitabh Bachchan (@amitabhbachchan) on Jun 19, 2020 at 1:56pm PDT अमिताभ यांचे ही पोस्ट सध्या सोशल मीडियावर चर्चेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहे. काही चाहत्यांनी या निर्णयावर आपली नाराजी देखील व्यक्त केली आहे.