बॉलिवूड अभिनेता सैफ अली खान आणि अमृता सिंग यांचा घटस्फोट होऊन अनेक वर्षे लोटली. पण, तरीही या जोडीबद्दल बरीच चर्चा केली जाते. आता हेच बघा ना त्यांच्या लग्नाचा एक फोटो सोशल मीडियावर व्हायरल झाला आहे. मात्र, हा फोटो व्हायरल होण्यामागचे कारण काही वेगळेच आहे. वाचा : 'चलती है क्या ९ से १२' गाण्याला वरुण, जॅकलिन, तापसीचा हटके ट्विस्ट आता हा फोटो पाहिल्यावर तुम्ही म्हणाल यात काय नवीन आहे. अनेकदा हा फोटो आम्ही पाहिलाय.. ठीक तर आहे. पण, जर तुम्ही फोटोकडे बारकाईने पाहिले तर तुम्हाला तो का व्हायरल होतोय याचे कारण नक्कीच कळेल. तुम्हाला अजूनही कळले नाही का? अमृता सिंगने नाकात घातलेली भलीमोठी नोज रिंग सर्वांचे लक्ष वेधून घेत असून, त्यावरच आता ट्रोल केले जातेय. एका ट्विटर युजरने लिहिलेय की, 'अमृता सिंगची नोज रिंग माझ्या फ्रेण्ड सर्कलपेक्षाही मोठी आहे.' तर दुसऱ्याने लिहिलेय की, 'माझ्या करिअर गोलपेक्षाही अमृताची नोज रिंग मोठी आहे.' वाचा : तिहेरी तलाक, राइट टू प्रायव्हसीवर ट्विंकलचा विनोद वाचलात का? काही दिवसांपूर्वीच सैफची एक जुनी मुलाखत पुन्हा चर्चेत आलेली. २००५ साली झालेल्या या मुलाखतीत पूर्वपत्नी अमृता सिंगबद्दल सैफ म्हणालेला की, माझी पत्नी आणि माझा मार्ग वेगळा झाला आहे. माझ्या पत्नीच्या स्वातंत्र्याचा मी आदर करतो. पण एक पती आणि वडील म्हणून मी किती वाईट आहे, याची मला सतत जाणीव का करून दिली जातेय. माझ्या मुलाचा इब्राहिमचा फोटो नेहमीच माझ्या पाकिटात असतो. तो फोटो पाहिल्यावर मला नेहमी रडू येते. मुलगी साराची मला सतत आठवण येते. मला मुलांना भेटण्याची परवानगी नाही. तसेच, त्यांनाही मला भेटू दिले जात नाही. असे का? कारण, माझ्या आयुष्यात एक स्त्री आहे जी मुलांना त्यांच्या आईविरोधात प्रभावित करू शकते. अशीच चर्चा सर्वत्र असून, याबद्दल अमृताला संपूर्ण माहिती आहे. माझी मुले सध्या अमृताच्या नातेवाईकांच्या आणि नोकरांच्या छायाछत्रात मोठी होत आहेत आणि ती टिव्ही मालिकेत काम करण्यासाठी निघून जाते. माझ्या कुटुंबाला सांभाळण्याची मला इच्छा असतानाही ती असे का करतेय? असा सवालही सैफने तेव्हा केला होता.
