बंगाली हॉट दिवा अमृता दासगुप्ता बॉलीवूड पदार्पणासाठी सज्ज झाली आहे. अमृता आपल्या पहिल्यावहिल्या 'द लास्ट हॉरर' या चित्रपटातून बॉलीवूडमध्ये एण्ट्री घेणार आहे. 'द लास्ट हॉरर' हा एक थरारपट असून यामध्ये दुष्ट शक्तींविरोधात मानवी शक्तींचा भयावह संघर्ष थरारकरित्या चित्रीत करण्यात आला आहे. या चित्रपटातून अमृता बॉलीवूडमध्ये आपली वेगळी छाप पाडेल आणि चित्रपट यशस्वी होईल असा विश्वास चित्रपटाचे दिग्दर्शक सलीम राजा यांनी व्यक्त केला आहे.
