Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

चित्रपटाच्या ट्रेलरमध्ये अमृताची झलक दिसते आणि तिची नेमकी भूमिका काय हे जाणून घेण्यासाठी सर्वच जण उत्सुक आहेत.

अमृता खानविलकर

मराठी कलाविश्वात एक काळ गाजवणारे, मराठी रंगभूमीचे पहिले सुपरस्टार नटश्रेष्ठ काशिनाथ घाणेकर यांच्या आयुष्यावर आधारित चित्रपट प्रेक्षकांच्या भेटीला येत आहे. या बहुप्रतिक्षित ‘आणि.. डॉ. काशिनाथ घाणेकर’ चित्रपटात कलाकारांनीच दिग्गज कलाकार उभे केले आहेत. त्याचा ट्रेलर नुकताच प्रदर्शित झाला असून सुबोध भावे, सोनाली कुलकर्णी, सुमीत राघवन ही तगडी स्टारकास्ट त्यात पाहायला मिळत आहे. अशातच अभिनेत्री अमृता खानविलकच्या एका ट्विटने नेटकऱ्यांची उत्सुकता वाढवली आहे. कारण चित्रपटाच्या ट्रेलरमध्ये अमृताची झलक दिसते आणि तिची भूमिका काय हे जाणून घेण्यासाठी सर्वच जण उत्सुक आहेत.

या चित्रपटातील लूक शेअर करत अमृताने ट्विटरवर ओळखा पाहू असा प्रश्न नेटकऱ्यांना विचारला आहे. आणखी एक फोटो तिने कोरिओग्राफर फुलवा खामकरसोबत शेअर केला आहे. कारण चित्रपटातील अमृताच्या गाण्याची कोरिओग्राफी फुलवाने केली आहे. अमृता नेमकी कोणती भूमिका साकारणार यावरून बरेच तर्कवितर्क नेटकऱ्यांकडून लावले जात आहेत. ट्रेलरमधील अमृताचा लूक पाहता अभिनेत्री संध्या यांची भूमिका ती साकारणार असल्याचा अंदाज काहींनी वर्तवला आहे.

ओळखा पाहु ….कोण आहे मी ? #AniDrKashinathGhanekar https://t.co/CyzsuFKqfx @subodhbhave @Viacom18Marathi @unbollywood @phulawa21 pic.twitter.com/R6bXQUU7kx
— Amruta Khanvilkar (@AmrutaOfficial) October 19, 2018

My nxt upcoming film #AniDrKashinathGhanekar this song choreography was a challege for Us…she rockeddd….u will see her in a totally different look 🙂 @AmrutaOfficial @Viacom18Movies @subodhbhave @psdg_phulawa pic.twitter.com/KpRqJugXc2
— Phulawa (@phulawa21) October 20, 2018

Photo : साक्षी तन्वरच्या घरी चिमुकलीचं आगमन

दिवाळीच्या मुहूर्तावर ८ नोव्हेंबर रोजी प्रदर्शित होणाऱ्या या चित्रपटात काशिनाथ घाणेकर यांचा उदय आणि अस्त दाखविण्यात येणार आहे. या चित्रपटाचे दिग्दर्शन अभिजीत देशपांडे यांनी केले आहे. डॉ. श्रीराम लागू, मास्टर दत्ताराम, प्राध्यापक वसंत कानेटकर, भालजी पेंढारकर, सुलोचना दीदी, प्रभाकर पणशीकर अशा व्यक्तिरेखा चित्रपटात पाहायला मिळणार आहेत.

First published on: 20-10-2018 at 15:44 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Amruta khanvilkar in ani dr kashinath ghanekar marathi movie

‘आणि.. डॉ. काशिनाथ घाणेकर’मधील भूमिका ओळखा पाहू, अमृताच्या ट्विटने वाढली उत्सुकता

चित्रपटाच्या ट्रेलरमध्ये अमृताची झलक दिसते आणि तिची नेमकी भूमिका काय हे जाणून घेण्यासाठी सर्वच जण उत्सुक आहेत.