चित्रपट दिग्दर्शक करण जोहरचा 'स्टुडंट ऑफ द इअर २' हा चित्रपट काही महिन्यांपूर्वी प्रेक्षकांच्या भेटीला आला. या चित्रपटाने बॉक्स ऑफिसवर सरासरी कमाई केली. मात्र या चित्रपटातील कलाकार प्रेक्षकांच्या चांगलेच स्मरणात राहिले. त्यातलीच एक अभिनेत्री म्हणजे तारा सुतारिया. सोशल मीडियावर कायम अॅक्टिव्ह असलेली तारा अनेक वेळा इन्स्टाग्रामवर तिचे फोटो शेअर करत असते. त्यातच काही दिवसापूर्वी तिने तिच्या लहानपणीचे फोटो शेअर केले. मात्र हा फोटो पाहिल्यानंतर नेटकऱ्यांनी या फोटोवर मजेशीर कमेंट केल्या आहेत. इतकंच नाही तर काहींनी तिची तुलना तैमुरसोबतही केली. ताराने इन्स्टाग्रामवर तिच्या लहानपणीचा फोटो शेअर केला आहे. या फोटोमध्ये ती प्रचंड क्युट दिसत आहे. त्यामुळे अनेकांनी या फोटोचं कौतुक करत तिची तुलना करिना कपूर-खानचा लेक तैमुर यांच्यासोबत केली आहे. View this post on Instagram Cub/Pup A post shared by TARA (@tarasutaria) on Sep 11, 2019 at 5:30am PDT ताराचा हा फोटो सध्या सोशल मीडियावर मोठ्या प्रमाणावर व्हायरल होत आहे. अनेकांनी तिला, लहानपणी ती तैमुर अली खानसारखी दिसत असल्याचंही म्हटलंय. तर काहींनी तिला पारलेजी गर्ल असंही म्हटलं आहे. दरम्यान, 'स्टुडंट ऑफ द इअर २'मधून बॉलिवूडमध्ये पदार्पण करणारी तारा लवकरच तेलुगु सुपरहिट 'आरएक्स १००' या चित्रपटाच्या रिमेकमधून प्रेक्षकांच्या भेटीला येणार आहे. याच चित्रपटातून सुनिल शेट्टी यांचा मुलगा अहान शेट्टी बॉलिवूड डेब्यू करणार आहे.