जगभरातील चित्रपट चाहत्यांच्या गळ्यातील ताईत असलेली हॉलिवूडची सुपरस्टार जोडी अँजेलिना जोली आणि ब्रॅड पिट अखेर विवाह बंधनात अडकली आहे. तब्बल नऊ वर्षे एकत्र राहिल्यानंतर गेल्या शनिवारी या दोघांनी एका खासगी समारंभात गुपचुप विवाह केला. यावेळी त्यांची सहा मुलेही उपस्थित होती. २०१२ मध्ये ब्रॅड पिट-अँजेलिना जोडीने साखरपुडा केला होता. त्यानंतर जवळपास दोन वर्षांनी ते विवाह बंधनात अडकले. ब्रॅड पिट आणि अँजेलिना हे दोघेही कॅलिफोर्नियाचे रहिवासी आहेत. त्यामुळे फ्रान्सला येण्यापूर्वीच त्यांनी कॅलिफोर्नियातील एका स्थानिक न्यायाधिशाकडून या जोडीने विवाह प्रमाणपत्र घेतले. विशेष म्हणजे सदर न्यायाधीशही या सोहळ्याला उपस्थित होते.
