भारतीय संगीत दिग्दर्शक ए. आर. रेहमानचा कॅनडामध्ये नुकताच सन्मान करण्यात आला आहे. कॅनडामधील एका रस्त्याला त्याचे नाव देण्यात आल्याची माहिती स्वतः ट्विटर रेहमान दिली आहे.कॅनडातील मरखम शहरातील एका रस्ताचे नामकरण `अल्ला-राखा रेहमान स्ट्रीट` असे करण्यात आले आहे. ही माहिती देताना रेहमानने आपले छायाचित्रही ट्विटरवर पोस्ट आहे.भारतीय चित्रपटसृष्टीच्या शतकमहोत्सवानिमित्त कॅनडातील टोरान्टो शहरात ४ नोव्हेंबर रोजी एका सोहळ्याचे आयोजन करण्यात आले होते. यावेळी, मरखममधील एका रस्त्याला ए. आर. रेहमान यांचे नाव देत असल्याची घोषणा करण्यात आली. अनेक राष्ट्रीय-आंतरराष्ट्रीय पुरस्कारांचा, सन्मानांचा मानकरी असलेल्या रेहमानही या गौरवाने भारावून गेल्याचे म्हटले आहे. (छाया सौजन्यः ए.आर.रेहमान ट्विट)