05 April 2020

News Flash

लॉकडाउनमध्ये ‘रामायण’ आणि ‘महाभारत’ पुन्हा एकदा येणार प्रेक्षकांच्या भेटीला

चाहते ही मालिका पुन्हा पाहण्यासाठी फार उत्सुक आहेत

पंतप्रधान नरेंद्र मोदी यांनी मंगळवारी संपूर्ण देशात लॉकडाउन जाहीर केलं आहे. २१ दिवसांच्या या लॉकडाउनमधील आज (गुरुवार) दुसरा दिवस आहे. हा लॉकडाउन १४ एप्रिलपर्यंत सुरु असणार आहे.त्यामुळे नागरिक सरकारच्या निर्णयाला पाठिंबा देत घरात बसल्याचे दिसत आहे. पण सध्या घरात बसून काय करावे हा प्रश्न त्यांना पडला आहे.

अनेकांनी वेळ घालवण्यासाठी ओटीटी प्लॅटफॉर्मचा आधार केला आहे. त्यामध्ये अॅमेझॉन प्राईम, हॉट स्टार, नेटफ्लिक्स अशा अनेक अॅपचा समावेश आहे. अनेक अॅपने तर यूजर्ससाठी फ्री सेवा सुरु केली आहे. अशातच सोशल मीडियावर एकेकाळी अनेकांची मने जिंकणाऱ्या दूरदर्शन वाहिनीवरील मालिका ‘रामायण’ आणि ‘महाभारत’ पुन्हा दाखवण्यात याव्या अशी मागणी केली जात आहे.

बुधवारी प्रसार भारतीचे मुख्य अधिकारी शशी शेखर प्रेक्षकांच्या या मागणीवर विचार करत असल्याचे दिसले. त्यांनी ट्विटमध्ये ‘आम्ही मालिका पुन्हा दाखवण्यासाठी मालिकेच्या स्वामित्व हक्क धारकांशी या विषयी चर्चा करत आहोत. तुम्हाला याबाबत लवकरच कळवू’ असे म्हटले आहे.

छोट्या पडद्यावरील काही मालिका अशा मालिका आहेत ज्या आजही प्रेक्षकांच्या चांगल्याच लक्षात असतात. त्यापैकी दोन म्हणजे ‘रामायण’ आणि ‘महाभारत’ ही मालिका. दूरदर्शनवर लागणाऱ्या या मालिका पुन्हा एकदा पाहण्यासाठी प्रेक्षक फार उत्सुक आहे. जर या मालिका पुन्हा छोट्यावर दाखवण्यात आल्या तर ‘मै काल हूँ….’ आणि ‘मंगल भवन अमंगल हारी… ‘ या ओळी कानावर पडतील

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 26, 2020 2:44 pm

Web Title: coronavirus outbreak iconic serial ramayan and mahabharat after public demand going telecast very soon avb 95
Next Stories
1 Coronavirus : रितेश देशमुखला छळतोय एक प्रश्न, तुमच्याकडे आहे का उत्तर?
2 आज तुम्ही मला खोटं ठरवलंत! अभिनेत्याने मागितली उद्धव ठाकरेंची माफी
3 भारतात लोकांची तस्करी सुरू आहे का? व्हिडीओ बघून रितेश संतापला
Just Now!
X